20-hadovy Tomas Mećju Kruks zarehistravany ŭ śpisach vybarščykaŭ Piensilvanii siarod prychilnikaŭ Respublikanskaj partyi — partyi Trampa.
U strałka nie było kryminalnaha minułaha, adlustravanaha ŭ adkrytych sudovych pratakołach Piensilvanii, i aficyjnyja asoby zajavili, što nie ŭstanavili matyŭ złačynstva.
Danyja ab rehistracyi vybarščykaŭ pakazali, što Kruks byŭ zarehistravany jak respublikaniec. U toj ža čas danyja ab finansavańni Fiederalnaj vybarčaj kampanii śviedčać, što ŭ studzieni 2021 hoda jon achviaravaŭ 15 dołaraŭ demakratam.
Stralanina adbyłasia 14 lipienia padčas vystupu Trampa pierad prychilnikami. Były prezident ZŠA, jaki znoŭ vyłučajecca na pasadu kiraŭnika krainy, byŭ lohka paranieny ŭ vucha. Dva čałavieki, uklučajučy strałka, zabityja, dvoje ŭdzielnikaŭ mitynhu ciažka paranienyja.
Stralba na pieradvybarnym mitynhu rasśledujecca jak sproba zamachu na kandydata ŭ prezidenty.
Rasśledavańnie napadu viadzie FBR pry sadziejničańni Sakretnaj słužby, jakaja zajmajecca achovaj prezidentaŭ i miascovych pravaachoŭnych słužbaŭ.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
- Mianie kličuć Mećju Kruks, ja nienavidžu respublikancaŭ i Trampa, bo jany chibnyja (wrong)chłopcy
Zrešty i biaz cytaty zrazumieła z ŭčynkaŭ - hrašovyja achviaravańni, kaho padtrymlivaŭ zabojca