Karłas Alkaras druhi raz vyjhraŭ Uimbłdon, znoŭ vyjhraŭšy ŭ Džokaviča
Ispaniec adoleŭ sierba ŭ troch setach: 6:2, 6:2, 7:6 (7:4). Trafiej uručała Alkarasu pryncesa Kiejt, jakaja zmahajecca z ankałohijaj i redka źjaŭlajecca na ludziach.
14.07.2024 / 19:39
Alberto Pezzali / AP
Alkaras staŭ čempijonam Uimbłdona druhi raz zapar. U letašnim finale ispaniec abyhraŭ sierba ŭ piaci setach.
U 21-hadovaha ispanskaha tenisista ŭžo čatyry pieramohi na turnirach Vialikaha šlema. Raniej jon vyjhravaŭ Rałan Haros (2024) i US Open (2022).
U Džokaviča — siem tytułaŭ na Uimbłdonie i 24 na turnirach Vialikaha šlema (Adkrytyja čempijanaty Aŭstralii i ZŠA, Uimbłdon, a taksama Rałan Haros) — heta rekord siarod mužčynaŭ.
Što praŭda, Novak Džokavič niekalki tydniaŭ tamu pieranios apieracyju na kalenie i byŭ nie ŭ lepšaj formie, ale dajšoŭ da finału.
Mosa'ab Elshamy / AP
Trafiej Alkarasu ŭručyła pryncesa Kiejt Midłtan, što ŭžo niekalki miesiacaŭ zmahajecca z ankałohijaj. Učora Kiensinhtonski pałac uračysta abviaściŭ jaje prysutnaść na finale.
Ścipły hienij ź ispanskaj vioski. Chto taki Karłas Alkaras — małady pieramožca Uimbłdana
Češka Barbara Krejčykava pieramahła na Uimbłdonie-2024