Češskaja tenisistka Barbara Krejčykava pieramahła italjanku Žaśmin Paalini ŭ finalnym matčy Uimbłdonskaha turniru ź likam 6:2, 2:6, 6:4.
Krejčykava na hety momant 32-ja rakietka śvietu, a jaje sapiernica ŭ rejtynhu Žanočaj tenisnaj asacyjacyi raźmiaščajecca na siomym radku.
Dla češskaj tenisistki heta druhi tytuł na turniry Vialikaha šlema: u 2021 hodzie jana vyjhrała Adkryty čempijanat Francyi. U jaje taksama jość siem tytułaŭ u parnym razradzie i try — u mikście.
Dźvie viadučyja biełaruskija tenisistki, Aryna Sabalenka i Viktoryja Azaranka, nie brali ŭdziełu ŭ sioletnim Uimbłdonie, jak paviedamlałasia, z-za prablem sa zdaroŭjem. Hulali tamu tolki dźvie biełaruski — Alaksandra Sasnovič i Iryna Šymanovič, i abiedźvie vylecieli ŭ kvalifikacyi.
Sasnovič paciarpieła parazu ad charvatki Lei Baškavič u druhim raŭndzie (6:2, 4:6, 4:6), a Šymanovič — ad amierykanki Kajły Dej u pieršym (2:6, 1:6).
Čempijona ŭ mužčynskim razradzie vyznačać 14 lipienia, za tytuł buduć zmahacca ispaniec Karłas Alkaras i sierb Novak Džokavič.
Kamientary