Распачаўся завочны суд над экс-супрацоўніцамі Tut.by
Мінскі гарадскі суд 15 ліпеня пачаў разглядаць крымінальную справу ў дачыненні былых палітзняволеных журналістак Вольгі Лойкі і Алены Талкачовай, а таксама юрысткі Кацярыны Ткачэнкі, піша «Вясна».
15.07.2024 / 15:36
Іх затрымлівалі разам з іншымі калегамі 18 траўня 2021 года падчас моцнай атакі на Tut.by. За кратамі палітзняволеныя прабылі каля 10 месяцаў. Іх вызвалілі, змяніўшы меры стрымання, але абвінавачванні з іх не былі знятыя — іх пачыналі судзіць па «справе Tut.by» разам з Марынай Золатавай і Людмілай Чэкінай. На суд палітзняволеныя не з'явіліся, бо з'ехалі з Беларусі, таму іх справы вылучылі ў асобную вытворчасць.
Цяпер справа супраць экс-супрацоўніцзавочна разглядаецца паводле чатырох артыкулаў Крымінальнага кодэкса:
- ч. 3 арт. 130 (распальванне іншай сацыяльнай варожасці),
- ч. 2 арт. 243 КК (ухіленне ад выплаты падаткаў),
- ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх),
- ч. 3 арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Беларусі).
Працэс вядзе суддзя Валянціна Зянькевіч.
Вольга Лойка: Хто мог бы весці перамовы па палітвязнях? Трэба шукаць выхад на ўмоўнага Абрамовіча
Лойка — пра кашалькоў Лукашэнкі, памылку Бабарыкі і падтрымку Макея. Глядзіце «Ток»