Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ
Jaŭhiena Kładava nie vyzvalili paśla adbyćcia pieršaha terminu, a abvieścili «terarystam» i buduć znoŭ sudzić.
17.07.2024 / 07:00
Jaŭhien Kładaŭ. Fota ź jahonaj staronki «Ukantakcie»
Jaŭhienu Kładavu z Baranavičaŭ 41 hod. Jon pracavaŭ rabočym.
Jaho aryštavali ŭ žniŭni 2023-ha i prysudzili 13 sutak aryštu, a taksama kanfiskavali telefon. Ale paśla hetaha Jaŭhiena nie vypuścili — u listapadzie 2023 hoda adbyŭsia sud pa kryminalnaj spravie. Jamu prysudzili hod kałonii za łajki pad karykaturami na Łukašenku.
Miarkujučy pa ŭsim, hety termin užo musiŭ skončycca.
Adnak ciapier stała viadoma, što suprać Kładava zaviali kryminalnuju spravu pa novych artykułach — «masavyja biesparadki» (293 KK), «raspalvańnie varožaści abo varažniečy» (130 KK) i pa adnym z artykułaŭ, źviazanych z «ekstremisckaj dziejnaściu» (361 KK). Žycharu Baranavičaŭ moža pahražać da 12 hadoŭ kałonii.
Data suda i sutnaść abvinavačańnia nieviadomyja.
Aproč taho, Kładava dadali ŭ śpis «terarystaŭ».
Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć