Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca
Dniami źjaviłasia niekalki hučnych prysudaŭ za łajki. Apošni — žycharu Mahilova dali try hady za adzin łajk u «Adnakłaśnikach». Tamu važna viedać, dzie i kamu vy stavili łajki, bo va ŭsich sacsietkach jany bačnyja publična.
Zajdzicie ŭ svoj profil, naciśnicie na try pałoski ŭ pravym vierchnim kucie i abiarycie punkt «Vaša aktyŭnaść» (Your activity). Praz punkt «Uzajemadziejańni» (Interactions) vy možacie pahladzieć usie kamientary, łajki i adkazy na historyi, jakija vy pakidali za ŭvieś čas.
Z mabilnaj prahramy: zajdzicie ŭ svoj profil, naciśnicie na try pałoski ŭ pravym vierchnim kucie i abiarycie punkt «Nałady i pryvatnaść» (Settings and privacy). Dalej naciśnicie «Žurnał dziejańniaŭ» (Activity log). Tam vy možacie pahladzieć usiu historyju vašaha ŭzajemadziejańnia z sacsietkaj.
Z kampjutara: kliknicie pa vašym avatary ŭ pravym vierchnim kucie braŭziera — adkryjecca mieniu. Dalej abiarycie punkt «Nałady i pryvatnaść», a paśla pierajdzicie ŭ «Žurnał aktyŭnaści».
«Ukantakcie»
Z kampjutara: pierachodzim u mieniu «Naviny». Vy trapicie tudy adrazu, kali ŭviadziecie ŭ adrasnym radku vk.com. Dalej źjavicca mieniu ŭ pravaj častcy, dzie treba nacisnuć na punkt «Reakcyi».
Taksama vy možacie skarystacca filtram łajkaŭ, dzie možna vybrać katehoryi, jakija vy łajkali.
Z mabilnaj prahramy: naciśnicie na levy vierchni kut, dzie adlustravany avatar vašaha profilu. Dalej pierajdzicie ŭ mieniu «Zakładki» (Bookmarks). Paśla hetaha naciśnicie na knopku «Reakcyi» (Reactions).
«Adnakłaśniki»
Z «Adnakłaśnikami» składana. Zajdzicie na svaju staronku i naciśnicie na svajo imia i proźvišča (u dadatku naciśnicie mieniu z tryma kropkami, a paśla naciśnicie na svajo imia i proźvišča).
Vy pabačycie svaju stužku, u jakoj jość infarmacyja i pra «kłasy», jakija vy pastavili, akramia tych vypadkaŭ, kali vy schavali hetuju infarmacyju z stužki. Inšaha šlachu daviedacca pra toje, dzie mienavita vy stavili «kłasy», niama, i heta prablema.
Pry padrychtoŭcy materyjała my źviarnulisia pa parady da prajekta, jaki kansultuje ŭ halinie ličbavaj biaśpieki CyberBeaver. Jany ličać, što «Ukantakcie» i «Adnakłaśniki» «dziravyja» i ŭciačy ź ich moža što zaŭhodna — i rajać imi ŭvohule nie karystacca.
Ahułam, parada jašče i ŭ tym, kab stavić łajki, u tym liku na kamientary inšych ludziej, akuratna i ŭdumliva, asabliva kali vy znachodziciesia ŭ Biełarusi. Bo kožny ź ich u luby momant moža być zapisany siłavikami.
Kamientary