Hihanckaja bliskavica ŭdaryła ŭ šmatpaviarchovy dom u Baranavičach VIDEA
Padčas navalnicy ŭviečary 16 lipienia małanka ŭdaryła ŭ šmatpaviarchovik u mikrarajonie Baroŭki, paviedamlaje Bar24.
17.07.2024 / 12:29
Małanka trapiła ŭ adzin z damoŭ pa vulicy Ihnata Damiejki padčas navalnicy poźnim viečaram 16 lipienia.
— Pačynałasia navalnica. Stali zichacieć nievialikija bliskavicy. Ja vyrašyła pasprabavać padpilnavać. Raptam atrymajecca. Uklučyła videazapis, i doŭha nie daviałosia čakać. Małanka trapiłasia chutka, — raspaviała haradžanka.
Navalnicy z mocnymi daždžami, vietram i hradam bušujuć u Biełarusi ź minułych vychodnych. I za hety čas jany paśpieli narabić užo niamała bied.
Tak, u subotu bura, jakaja pralacieła pa Baranavičach, złamała i vykarčavała niekalki dziasiatkaŭ dreŭ. U niadzielu hrad pamieram z kurynaje jajka paškodziŭ aŭtamabil i źniščyŭ aharod žycharki Baranavičaŭ.