«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski
Pra nastupstvy stychii, jakaja bušavała ŭ Biełarusi ŭ minułyja vychadnyja, havorać dahetul. Pra toje, jak hrad paškodziŭ mašynu, źniščyŭ aharod i da śmierci napałochaŭ ludziej, raskazała vydańniu Bar24.by žycharka Baranavičaŭ.
U minułyja vychadnyja žančyna adpačyvała ź siamjoj na leciščy ŭ Łuninieckim rajonie. U subotu, 13 lipienia, pa jaje słovach, na vulicy stajała anamalnaja śpiakota — da +37 hradusaŭ. Ale było soniečna i ničoha nie praročyła biady. Ludzi adpačyvali, smažyli šašłyki.
A dniom u niadzielu nadvorje raptoŭna sapsavałasia.
«Spačatku nadvorje było dobraje. U nas byli hości, dzieci pajšli na rečku, ja farbavała viaskovuju prybiralniu, baćki rychtavali abied. Chmary nabiehli chutka. Daždžu spačatku nie było. Nalacieŭ viecier, potym pajšoŭ hrad i pačałasia mocnaja zaleva, — uspaminaje žančyna. — Kali ŭpała pieršaja ldzinka hradu, ja zrazumieła, što ŭsio. Kinuła pendźlik i pabiehła klikać baćku. Na vulicy na turniku visieŭ dyvan, my jaho śpiešna ściahnuli i paśpieli nakryć tolki adnu mašynu. Ale i heta nie vyratavała».
Hrad pamieram ź jajka
Stychija bušavała chvilin z 30-40. Kali ŭsio skončyłasia, u dvary lažali hradziny pamieram z kurynaje jajka.
«Paciarpieła naša mašyna i mašyna našych haściej. U domie stajać vokny PVCH, jany vytrymali. A voś u haspadarčych pabudovach dva akna raźbityja i dach, bo jon z šyfieru. Sajdynh u niekatorych miescach adkałoŭsia na sklepie, ciaplica ŭsia ŭ dziračkach, a aharod uvieś loh, — pieraličvaje pryčynienuju buraj škodu čytačka. — Ja, viadoma, adrazu raŭła. A ciapier razumieju: hałoŭnaje, što z nami ŭsio dobra».
Pa słovach žančyny, takuju mocnuju stychiju jana bačyła ŭpieršyniu.
«U nas byli zalevy mocnyja, łamała drevy, ale kab tak… Baćkam 57 hadoŭ, i jany ni razu ŭ žyćci takoha nie bačyli!» — adznačyła jana.
U Biełaviežskaj puščy małanka razarvała 200-hadovy dub VIDEA
Na videa trapiŭ momant trahiedyi ŭ dziciačym łahiery ŭ Rečyckim rajonie, dzie zahinuŭ chłopčyk
Niekatoryja biełarusy sustrakali ŭčarašni ŭrahan, kupajučysia ŭ voziery VIDEA
Što adbyvajecca z klimatam? Takaja śpioka letam budzie zaŭsiody?
Dziakujučy ŭrahanu ŭ Homieli zrabili navukovaje adkryćcio
U adnoj z haspadarak Pinskaha rajona stychija paškodziła kala 40% pasievaŭ
Jašče adna achviara ŭrahanu: u Śvietłahorsku dreva zabiła 90-hadovaha mužčynu
«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy
Hubarevič adpraviŭ u CVK dakumienty dla ŭdziełu ŭ vybarach30
Kamientary