Litva zabaraniaje ŭjezd aŭto na biełaruskich numarach
Z 18 lipienia ŭ 00:00 lehkavyja aŭtamabili ź biełaruskimi numarami nie buduć puskać na terytoryju Jeŭrasajuza.
17.07.2024 / 13:15
Fota: Mytny kamitet Litvy
Zabarona na ŭjezd na terytoryju ES raspaŭsiudžvajecca na lehkavyja aŭtamabili, niezaležna ad nacyjanalnaści ich uładalnika abo kiroŭcy, piša lrt.lt.
Da 16 žniŭnia 2024 h. dapuskajecca ŭvoz na terytoryju Litvy lehkavych aŭtamabilaŭ, jakija nie pryznačany dla prodažu i naležać hramadzianinam Biełarusi, jakija majuć dziejnuju vizu abo dziejny dazvoł na časovaje ci pastajannaje pražyvańnie ŭ Litvie ŭ ES. Vyklučeńnie nie raspaŭsiudžvajecca na aŭtamabili, jakija naležać jurydyčnym asobam abo vykarystoŭvajucca ŭ kamiercyjnych metach.
Mytnaje viedamstva paviedamlaje, što aŭtamabili ź biełaruskimi numarami, jakija znachodziacca na terytoryi Jeŭrasajuza, u tym liku ź Litvy, pavinny pakinuć jaje da 18 studzienia 2025 hoda.
Da hetaj daty aŭtamabili ź biełaruskimi numarami mohuć udzielničać u darožnym ruchu na terytoryi Litvy, a taksama ŭvozicca i rehistravacca ŭ Litvie.
Paśla 18 studzienia aŭtamabili, zarehistravanyja ŭ Biełarusi, nie zmohuć znachodzicca na terytoryi Litvy.
Asoby, jakija kirujuć aŭtamabilami ź biełaruskimi numarami paśla apublikavanych terminaŭ zabarony, buduć pryznavacca parušalnikami zakanadaŭstva i pryciahvacca da adkaznaści, jakaja praduhledžvaje štraf i kanfiskacyju aŭtamabila.
Zabarona nie raspaŭsiudžvajecca na ŭjezd na terytoryju Jeŭrasajuza, a taksama Litvy aŭtamabilaŭ, zarehistravanych u Biełarusi, na dypłamatyčnych dziaržaŭnych numarach abo pryznačany dla supracoŭnikaŭ dypłamatyčnych misij i ich siemjaŭ dla asabistaha karystańnia členami.
Łatvija z 16 lipienia zabaraniła ŭjezd mašyn ź biełaruskimi numarami.
Cichanoŭskaja: Abmiežavańni na miažy nie zakranuć aŭtobusy i maršrutki
Łatvija choča naohuł zabaranić mašynam ź biełaruskimi numarami pierasoŭvacca pa krainie
U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ
Łatvija z 16 lipienia zabaraniaje ŭjezd mašyn ź biełaruskimi numarami