Беларускі інстытут публічнай гісторыі прайшоў рэгістрацыю ў Польшчы
Беларускія гісторыкі і даследчыкі ў выгнанні, якія пэўны час таму стварылі Беларускі інстытут публічнай гісторыі, зарэгістравалі яго ў Польшчы як грамадскую арганізацыю. Рашэнне аб рэгістрацыі прыняў акруговы суд Варшавы 4 ліпеня.
18.07.2024 / 23:30
Галоўныя мэты Беларускага інстытуту публічнай гісторыі — падтрыманне нацыянальнай ідэнтычнасці беларусаў, стварэнне погляду на мінулае без аўтарытарных і ідэалагічных установак, захаванне памяці пра трагічныя перыяды гісторыі Беларусі, фармуляванне бачання на складаныя і неадназначныя тэмы гісторыі нашай краіны, а таксама папулярызацыя і прасоўванне нацыянальнага гістарычнага наратыву у Беларусі і на міжнародным узроўні.
Узначальваюць інстытут акадэмічны дырэктар, кандыдат сацыялагічных навук Аляксей Ластоўскі і старшыня праўлення, журналіст, даследчык сталінскіх рэпрэсій Ігар Станкевіч.
У склад інстытута таксама ўвайшоў шэраг спецыялістаў у галіне гісторыі. У траўні арганізацыя стварыла ўласныя тэлеграм– і ютуб-каналы.
Гісторыкі ў выгнанні стварылі Беларускі інстытут публічнай гісторыі
Каго сёння можна назваць сапраўдным патрыётам Беларусі? Гутарка з філосафам Баркоўскім