Polskija śpiecsłužby rasśledujuć pahrozu zabojstva Paŭła Łatuški
Pavodle aficyjnaha lista polskaj prakuratury, ź jakim aznajomiłasia ahienctva Reuters, Ahienctva ŭnutranaj biaśpieki Polščy (ABW) ciapier dapamahaje rasśledavać złačynstvy suprać Paŭła Łatuški, jakija traplajuć pad katehoryi «padbuchtorvańnie da zabojstva» i «dziejnaść zamiežnych śpiecsłužbaŭ».
19.07.2024 / 15:58
Pavieł Łatuška. Fota: Ofis Cichanoŭskaj
Pad zamiežnymi śpiecsłužbami majucca na ŭvazie biełaruskija ci rasijskija, adznačajuć žurnalisty.
Sam Łatuška prakamientvaŭ Reuters situacyju tak.
«Za apošnija paŭhoda značna pavialičyłasia kolkaść pahroz u dačynieńni da mianie i inšych prademakratyčnych aktyvistaŭ.
U apošni čas my taksama zafiksavali aktyvizacyju sprobaŭ akazać cisk na kankretnych členaŭ našaj kamandy z boku ludziej, jakija vydajuć siabie za aficeraŭ KDB. Jany vykarystoŭvajuć mietady chabarnictva, šantažu i pahroz represij u dačynieńni da našych svajakoŭ i siabroŭ», — zajaviŭ Łatuška ŭ kamientary da ahienctva Reuters.
Nahadajem, što niadaŭna Pavieł Łatuška ŭ intervju polskamu partału Onet raskazaŭ pra dziejnaść biełaruskich śpiecsłužbaŭ za miažoj i pra niebiaśpieku ŭ suviazi z hetym dla siabie asabista.
U im palityk adznačyŭ, što moža aścierahacca pić vadu ci kavu ŭ hramadskich miescach, i što jaho zabojstva zamovili ŭ darknecie za ŭznaharodu 30 tys. jeŭra.
Łatuška zaklikaŭ žurnalistaŭ i pravaabaroncaŭ ź Jeŭropy skarystacca ź biaźvizu
Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?
Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»