Što viadoma pra sudździu i prakurorku, jakija vynieśli śmiarotny prysud hramadzianinu Hiermanii
Aleh Łapieka i Taćciana Hrakun.
20.07.2024 / 15:04
Spravu Ryka Kryhiera razhladaŭ sudździa Aleh Łapieka. Dziaržaŭnaje abvinavačvańnie padtrymlivała pradstaŭnica Hienieralnaj prakuratury Taćciana Hrakun, piša «Viasna».
Aleh Łapieka ŭ 2021 hodzie byŭ biesterminova pryznačany namieśnikam staršyni Minskaha abłasnoha suda — adpaviedny ŭkaz padpisaŭ Łukašenka. U 2014 hodzie jon byŭ uznaharodžany miedalom «Za biezdakornuju słužbu III stupieni»
Taćciana Hrakun pačynała karjeru ŭ prakuratury Minskaj vobłaści i dasłužyłasia tam da staršaha prakurora adździeła pa nahladzie za adpaviednaściu zakonu sudovych rašeńniaŭ. Paśla pačatku masavych represij, jaje pavysili i pieraviali na pasadu prakurora ŭ Hienieralnuju prakuraturu. U 2023-im hodzie Hrakun padtrymlivała abvinavačvańnie «spravie Tut.by».
U mai 2020 hoda jaje ŭznaharodzili miedalom «Za biezdakornuju słužbu» III stupieni.
Paźniej Hrakun trapiła ŭ sankcyjny śpis ES i Vialikabrytanii.
Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł
Rasstrelnaja sprava Ryka Kryhiera tyčycca jaho ŭdziełu ŭ Pałku Kalinoŭskaha — pravaabaroncy
Połk Kalinoŭskaha admaŭlaje datyčnaść Ryka Kryhiera da padraździaleńnia
MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi
Z-kanał: Imavierna, Kryhier arhanizoŭvaŭ dyviersii ŭ Branskaj vobłaści