Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł
Jon pracavaŭ śpiecyjalistam pa biaśpiecy ŭ adździaleńni Dziarždepartamienta ZŠA ŭ Bierlinie.
Ryka Kryhieru 30 hadoŭ i jon naradziŭsia ŭ Bierlinie. Paśla škoły jon advučyŭsia ŭ kaledžy na aŭtamiechanika ŭ horadzie Štrauśbierh, skončyŭ u 2014-m.
Paśla jon ciaham troch hadoŭ pracavaŭ śpiecyjalnym supracoŭnikam słužby biaśpieki ŭ Bierlinie ŭ adździaleńni Dziaržaŭnaha departamienta ZŠA ŭ Bierlinie.
U 2017-m Kryhier uładkavaŭsia ŭ Dom sastarełych miedykam. U 2021-m pierajšoŭ na pracu ŭ niamiecki Čyrvony kryž jak śpiecyjalist pa ekstrannaj miedycynie.
Apošniaja zhadka pra jaho ŭ internecie datujecca 2023 hodam. Tady jon sprabavaŭ znajści pracu ŭ ZŠA i rassyłaŭ svajo reziume.
Viadoma, što ŭ Ryka jość niepaŭnaletniaje dzicia.
Dalejšy los Kryhiera nieviadomy, jak i data zatrymańnia. Asudzili jaho 21 červienia 2024 hoda ŭ Minskim abłasnym sudzie.
Kryhiera abvinavačvali pa šerahu artykułaŭ — «akt teraryzmu» (č. 3 art. 293 KK), «niezakonnyja dziejańni sa zbrojaj i vybuchovymi rečyvami» (č. 4 art. 295 KK), «naŭmysnaje pryviadzieńnie da nieprydatnaści transpartnaha srodku abo puciej znosinaŭ» (č. 4 art. 309 KK), «udziele ŭ ekstremisckim farmiravańni» «ahienturnaj dziejnaści» (358-1 KK) i «najmictvie» (art. 133 KK).
Pa źviestkach kanała «Matolkapamažy», jamu prysudzili śmiarotnaje pakarańnie. Nieviadoma, ci abskardžvaŭ jon prysud. Taksama nieviadomyja inšyja abstaviny spravy.
«Naša Niva» — bastyjon biełaruščyny
PADTRYMAĆUsio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary