Paśla ŭrahanu biełarusy padali bolš za 10 tysiač zajavak u Biełdziaržstrach
«Biełdziaržstrach» paviedamiŭ, što atrymaŭ bolš za 10 000 zajaŭ ad biełarusaŭ na kampiensacyju škody ad urahanu, jaki narabiŭ šmat biady tydzień tamu.
20.07.2024 / 17:19
Fota ilustracyjnaje
«Najbolšaja kolkaść [zajaŭ] u Homielskaj vobłaści: Mazyrski, Rečycki, Kalinkavicki i Homielski rajony. U vyniku stychijnaha biedstva paškodžanyja dachi, ścieny, vokny, a taksama elemienty azdableńnia budynkaŭ hramadzian, abjektaŭ sackultbytu i sielskahaspadarčych budynkaŭ, pavalenymi drevami i hradam paškodžanyja aŭtamabili jurydyčnych i fizičnych asob», — raskazali ŭ Biełdziaržstrachu.
Adznačajecca, što śpiecyjalisty kampanii z 13-14 lipienia pracujuć biez vychadnych dla taho, kab pryniać apieratyŭna zajavy ad hramadzian, ahledzieć paškodžanuju majomaść, skłaści, raźličyć i vypłacić strachavuju kampiensacyju.
Acanić ahulnuju škodu, naniesienuju ŭrahanam, pakul što, jak zajaŭlajecca, niemahčyma. Heta zrobiać tolki paśla zaviaršeńnia rabot, źviazanych z ahladam paškodžanych abjektaŭ.
Łukašenka zahadaŭ adpraŭlać na likvidacyju nastupstvaŭ urahanu palitźniavolenych
Urahan zakranuŭ nasielenyja punkty, u jakich žyvie bolš za miljon čałaviek
«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury
U Homielskaj vobłaści admianili režym nadzvyčajnaj situacyi
Urahan pavaliŭ viekavyja lipy na siadzibie Chraptovičaŭ u Ščorsach