Bolš za sotniu viosak Homielščyny ŭsio jašče čakajuć adnaŭleńnia elektrazabieśpiačeńnia
Praz tydzień paśla ŭrahanu ŭładam tak i nie ŭdałosia całkam likvidavać jaho nastupstvy.
21.07.2024 / 16:52
Likvidacyja nastupstvaŭ urahana. Fota: telehram-kanał «Minenierho Oficialnyj»
Niepahadź 13 i 14 lipienia ŭ Biełarusi pryviała da maštabnych paškodžańniaŭ u sistemie elektrapieradačy, parušeńniaŭ vodazabieśpiačeńnia, razbureńniaŭ. Bolš za ŭsio ad urahannaha vietru paciarpieła Homielskaja vobłaść, dzie ŭvodzili režym nadzvyčajnaj situacyi.
Pavodle infarmacyi MNS, u hetyja dni praz stychiju zahinuła šeść čałaviek.
Jak siońnia paviedamiŭ ministr enierhietyki Viktar Karankievič na pasiadžeńni apieratyŭnaha štaba pa likvidacyi nastupstvaŭ niepahadzi ŭ Homielskaj vobłaści, napružanaja situacyja z padačaj enierhazabieśpiačeńnia ŭ asobnyja domaŭładańni zachoŭvajecca ŭ Žłobinskim i Rečyckim rajonach.
Śpiecyjalisty pasprabujuć vyrašyć hetaje pytańnie za siońniašni dzień.
Likvidacyja nastupstvaŭ urahana. Fota: telehram-kanał «Minenierho Oficialnyj»
U pres-słužbie Ministerstva enierhietyki paviedamili, što ciapier nad likvidacyjaj nastupstvaŭ urahannaha vietru tolki ŭ Žłobinskim rajonie pracujuć 32 avaryjnyja bryhady. Heta rajon ličycca najbolš paciarpiełym. 44 nasielenyja punkty rajona (sa 155) siońnia zabiaśpiečvajecca elektryčnaściu tolki dyziel-hienieratarnymi ŭstanoŭkami.
Usiaho ŭ likvidacyi nastupstvaŭ niepahadzi ŭ Homielskaj vobłaści zadziejničana bolš za 140 bryhad i 210 adzinak techniki.
Likvidacyja nastupstvaŭ urahana. Fota: telehram-kanał «Minenierho Oficialnyj»
Ahułam adnaŭlenčyja raboty praciahvajucca ŭ 122 nasielenych punktach Homielskaj vobłaści, u 508 technałahičnyja parušeńni ŭžo likvidavanyja.
«Hetaja praca viadziecca pa zajaŭkach spažyŭcoŭ», — udakładniaje viedamstva. Zadavolena bolš za 2 tys. takich zajavak.
Kruty: Boh pasłaŭ urahan, kab prezident paradavaŭsia, što stvoranaja im sistema vystajała
Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna