Zavočna buduć sudzić Antona Matolku — jamu zakidajuć 17 artykułaŭ, u tym liku zdradu dziaržavie
Śledčy kamitet pačaŭ u adnosinach da jaho śpiecvytvorčaść.
22.07.2024 / 18:50
Aktyvista Antona Matolki abvinavačvajuć pa 13 artykułam Kryminalnaha kodeksa, u niekatorych — pa niekalkich častkach. U pryvatnaści, jamu staviać u vinu:
- Zmovu z metaj zachopu abo ŭtrymańnia dziaržaŭnaj ułady niekanstytucyjnym šlacham;
- Arhanizacyju masavych biesparadkaŭ;
- Arhanizacyju hrupavych dziejańniaŭ, jakija hruba parušajuć hramadski paradak;
- Naŭmysnyja dziejańni, nakiravanyja na ŭzbudžeńnie rasavaj, nacyjanalnaj, relihijnaj albo inšaj sacyjalnaj varožaści abo varožaści pa prykmiecie rasavaj, nacyjanalnaj, relihijnaj, moŭnaj ci inšaj sacyjalnaj prynaležnaści, učynienyja hrupaj asob albo jakija paciahnuli pa nieaściarožnaści śmierć čałavieka albo inšyja ciažkija nastupstvy;
- Zakliki da sankcyj, učynienyja z vykarystańniem srodkaŭ masavaj infarmacyi abo hłabalnaj kampjutarnaj sietki Internet;
- Hvałt albo pahrozy hvałtam na adras Łukašenki;
- Paklop na adras Łukašenki, ździejśnieny paŭtorna;
- Abrazu Łukašenki, u tym liku ŭčynienuju paŭtorna;
- Dyskredytacyju Respubliki Biełaruś;
- Stvareńnie ekstremisckaha farmavańnia;
- Finansavańnie ekstremisckaj dziejnaści;
- Sadziejničańnie ekstremisckaj dziejnaści;
- Zdradu dziaržavie.
Sudzić Matolku buduć zavočna, pakolki jon znachodzicca nie ŭ Biełarusi.
Matolka pierajechaŭ ź Litvy ŭ Polšču. I patłumačyŭ čamu
Čym siońnia zajmajucca niekali viadomyja hieroi ŽŽ? Spojler: mnohija tak i nie zakinuli błohierstva
Skončyli rasśledavańnie zavočnaj kryminalnaj spravy suprać suzasnavalnic «Imahuru»