Čynoŭnicy, pa vinie jakoj dziaŭčynka apynułasia ŭ pryjomnaj siamji z baćkam-hvałtaŭnikom, prysudzili 2,5 hoda kałonii-pasialeńnia
Prakuratura Dobrušskaha rajona padtrymała ŭ sudzie dziaržaŭnaje abvinavačańnie pa kryminalnaj spravie ŭ dačynieńni da načalnicy adździeła adukacyi, sportu i turyzmu rajvykankama za nienaležnaje vykanańnie svaich słužbovych abaviazkaŭ, što paciahnuła pa nieaściarožnaści ciažkija nastupstvy.
23.07.2024 / 17:22
U 2016 hodzie žančyna pieradała čaćviarych niepaŭnaletnich dziaciej va ŭzroście 14, 11, 8 i 7 hadoŭ na vychavańnie ŭ pryjomnuju siamju. Paźniej stała viadoma, što pryjomny baćka ŭ 1998 hodzie byŭ asudžany za zabojstva. Na momant pravierki jon mieŭ niaźniatuju i niepahašanuju sudzimaść. Niahledziačy na heta, Dobrušski rajvykankam u 2016 hodzie ŭsio adno pryniaŭ rašeńnie ab stvareńni pryjomnaj siamji.
Z 2018 hoda mužčyna hvałtavaŭ pryjomnuju dačku 2008 hoda naradžeńnia na praciahu čatyroch hadoŭ. Jamu pryznačana pakarańnie ŭ vyhladzie pazbaŭleńnia voli na 19 hadoŭ.
Čynoŭnicu ž pakarali pazbaŭleńniem voli na 2 hady i 6 miesiacaŭ z adbyvańniem va ŭmovach pasialeńnia z pazbaŭleńniem prava zajmać pasady, źviazanyja z vykanańniem arhanizacyjna-rasparadčych abaviazkaŭ, na 5 hadoŭ.
Pa amnistyi ad 7 śniežnia 2022 hoda ŭ suviazi z «Dniom narodnaha adzinstva» jaje vyzvalili ad pryznačanaha pakarańnia sa źniaćciem sudzimaści.
Asudžanych z dyjahnazam «piedafilija» buduć adpraŭlać na prymusovaje lačeńnie
U Biełarusi ŭviaduć kryminalnuju adkaznaść za prahlad dziciačaha porna
Na Mahiloŭščynie zatrymali 19-hadovaha piedafiła