Asudžanych z dyjahnazam «piedafilija» buduć adpraŭlać na prymusovaje lačeńnie
Asudžanych z dyjahnazam «piedafilija» buduć adpraŭlać na prymusovaje lačeńnie, heta vynikaje ź źmianieńniaŭ u Kryminalny kodeks, uniesienych pa inicyjatyvie Hienprakuratury, jakija ŭstupili ŭ siłu.
Nakiroŭvać na lačeńnie buduć ludziej, jakija ŭčynili złačynstvy pa niekatorych artykułach KK u dačynieńni da małaletnich. Naprykład — pa artykułach ab zhvałtavańni (artykuł 166 KK), pałavych znosinach z asobaj, jakaja nie dasiahnuła 16 hadoŭ (artykuł 168 KK), vyrabie porna ź niepaŭnaletnimi (artykuł 343-1 KK).
Pry hetym «lačeńnie» budzie praduhledžana tolki dla tych, kamu śpiecyjalnaja miedyčnaja kamisija pastavić dyjahnaz «piedafilija». Spačatku jano budzie prachodzić pa miescy adbyćcia pakarańnia, naprykład — u kałonii. A paśla vychadu praces moža być praciahnuta ambułatorna, znoŭ pa rašeńni miedyčnaj kamisii.
Taksama nad asudžanymi pa ŭkazanych artykułach budzie ŭstanoŭleny previentyŭny nahlad. Im, siarod inšaha, treba budzie piśmova paviedamlać pra pierajezd u milicyju.
Kali čałaviek nie paviedamić ab źmienie adrasu, jaho mohuć abviaścić u vyšuk i zatrymać na termin da 30 sutak.
«Nu dzie ž ja moh sustreć kłasnaha kiraŭnika? U kamiery mahiloŭskaha SIZA! A zatrymali jaho praz naš čat vypusknikoŭ»4
Kamientary