U Minsku źjaviłasia vulica «Čierviekova» — na adnym z damoŭ paviesili tablički z pamyłkaj FOTAFAKT
Kamunalniki paviesili na padjezdach novyja šyldy — abnoŭka ździviła žycharoŭ.
23.07.2024 / 21:27
Fota: «Minsk-Naviny»
Na žyłym domie pa vulicy Čarviakova, 23 u Minsku kamunalniki abnaŭlajuć šyldy.
Na padjezdach zamiest zialonych šyldaŭ z numarami kvater źjavilisia sinija, i na ich dadali nazvu vulicy. Voś tolki ŭ nazvu hetuju zakrałasia pamyłka — biełaruskaha savieckaha dziejača «pierajmienavali» ŭ «Čierviekova».
«Niadaŭna paviesili novyja šyldy z adrasam i numarami kvater. Ale jość niuansy: novyja paviesili — staryja nie źniali. Ciapier u nas voś takaja strakataść. Ale i heta nie hałoŭnaje. Niaŭžo nielha było napisać nazvu vulicy biez pamyłak? Naša vulica nazyvajecca [pa-rusku] «ČiervJakova»!» — cytujuć žychara padjezda «Minsk-Naviny».
Minčuk miarkuje, što takaja ž situacyja i ŭ astatnich padjezdach hetaha doma.
U Čašnickim rajonie na vuličnyja šyldy dadali biełaruskuju movu
U minskim mietro tak śpiašalisia pazbavicca ad łacinki, što narabili hrubych pamyłak u kirylicy