Turcyja zapatrabavała abmiežavać u Jeŭropie dzionier-kiebaby
Mižnarodnaja fiederacyja dzionieraŭ (UDOFED) u Turcyi padała aficyjnuju zajaŭku na pryznańnie dzionier-kiebaba ŭ Jeŭrapiejskim Sajuzie (ES) u jakaści «tradycyjnaha praduktu». Heta praduhledžvaje nadańnie dzionier-kiebabu achoŭnaha statusu, anałahičnaha tamu, jakim vałodajuć italjanskaja macareła, nieapalitanskaja pica i francuzskaje šampanskaje, piša Telegraf.news.
23.07.2024 / 22:30
Fota: Pexels.com
Jak patłumačyła vydańnie Business Insider, tureckija dzioniery pretendujuć nie stolki na samu stravu, kolki na sposab hatavańnia miasa dla jaje.
Kali patrabavańnie tureckich dzionieraŭ budzie zadavolena, to hatavać miasa dla dzionier-kiebabaŭ restarany i kaviarni abaviazanyja buduć pa stroha ŭstanoŭlenym standartam ES, a mienavita: dzionier moža hatavacca tolki ź jałavičyny i baraniny, narezanaj haryzantalna taŭščynioj 3-5 mm, kuryny dzionier pavinien narazacca łustačkami taŭščynioj 1-2 sm.
Usio, što nie adpaviadaje hetym standartam (naprykład, viehietaryjanskija dzioniery), nazyvać dzionier-kiebabam budzie nielha — restaranam abo pryjdziecca admovicca ad hetaj stravy, abo pamianiać jaje nazvu, što spačatku dakładna źbiantežyć pakupnikoŭ.
«My chočam pierakanacca, što sapraŭdnaja sutnaść dzionier-kiebaba zachavanaja. Havorka idzie pra toje, kab addać daninu pavahi našym kulinarnym tradycyjam i ščyra padzialicca imi sa śvietam», — rastłumačyŭ sutnaść patrabavańniaŭ pradstaŭnik Mižnarodnaj fiederacyi dzionieraŭ.
Zrešty, jak adznačyŭ Business Insider, u toj ža Hiermanii, dzie kiebab ličycca sapraŭdnym karalom fast-fuda, asacyjacyja hatelaŭ i restaranaŭ DEHOGA vykazała skieptycyzm z nahody patrabavańniaŭ UDOFED.
Niamieckija vytvorcy kiebaba śćviardžajuć, što ich strava pieratvaryłasia ŭ asobnuju kulinarnuju spadčynu. Na dumku asacyjacyi, takija praviły mohuć unieści dvuchsensoŭnaść u tym liku dla klijentaŭ.
Prezident Hiermanii pryjechaŭ u Turcyju ź miasam dla dzionier-kiebaba FOTAFAKT
Błohier paspytaŭ u Minsku ałkašaŭrmu. Što za jana?