Zvarot Bajdena da nacyi nahadvaŭ pachavalny marš — Bild
a jakoje ŭ vas uražańnie?
Bajden niekalki razoŭ spyniaŭsia, prahłynaŭ i marmytaŭ pra siabie frazy.
25.07.2024 / 10:18
Skrynšot videatranślacyi
Karespandent Bild u ZŠA Hierbiert Bauernebiel analizuje 11-chvilinny zvarot Džo Bajdena da nacyi ŭ sieradu ŭviečary.
Prezident pramaŭlaŭ z dapamohaj telesuflora, nie dapuściŭšy značnych ahavorak. Jon rastłumačyŭ, što admoviŭsia ad pieravybrańnia, kab «pieradać estafietu novamu pakaleńniu», i pachvaliŭ Kamału Charys jak «mocnuju, daśviedčanuju i zdolnuju».
Bajden niekalki razoŭ spyniaŭsia, prahłynaŭ i marmytaŭ pra siabie frazy, piša reparcior. Naprykład, raskazvajučy pra adnaho z baćkoŭ-zasnavalnikaŭ ZŠA Biendžamina Franklina.
Pa słovach Bajdena, kali toj vychodziŭ ź Fiładelfijskaha kanvienta, dzie pryniali Kanstytucyju, jaho spytali, jakuju formu praŭleńnia vyznačyli novaj krainie: manarchiju ci respubliku. «Respubliku, kali vy zmožacie jaje zachavać», — adkazaŭ Franklin.
«Značnuju častku pramovy było ciažka zrazumieć. Bajden vyhladaŭ stomlenym i asłablenym. Jaho prablemny syn Chanter, žonka Džył i inšyja členy siamji z tryvohaj nazirali za tym, što adbyvajecca. U kancy jany apładziravali. <..>
Heta byŭ pačatak kanca epochi Bajdena. Sotni supracoŭnikaŭ Biełaha doma pryjšli na praces zapisu zvarotu, jaki nahadvaŭ pachavalny marš. Jany taksama viedajuć: praciahniecca spadčyna Bajdena ci nie — hetak ža niavyznačana, jak i zychod novaha pieradvybarčaha dvuboja pamiž Charys i Trampam», — piša Baŭernebiel.
Džo Bajden: Ja pieradaju estafietu novamu pakaleńniu
Charys apiaredžvaje Trampa: 44% suprać 42% — pieršaje apytańnie paśla źniaćcia Bajdena
U Trampa byŭ efiektyŭny kozyr suprać Bajdena. Ciapier jon moža viarnucca bumieranham
Tramp staŭ najstarejšym kandydatam na pasadu prezidenta ZŠA ŭ historyi
Charys zaručyłasia dastatkovaj padtrymkaj dla vyłučeńnia kandydatam u prezidenty