Karotki dziesiacichvilinny vystup prahučaŭ jak palityčny zapaviet prezidenta, jaki sprabuje akreślić svaju spadčynu ŭ historyi krainy.
![](http://nashaniva.com/img/w840d4webp1/photos/z_2024_07/biden_harris_getty240725-jhdpd.jpg.webp)
Prezident Bajden pozna ŭviečary vystupiŭ sa zvarotam da krainy z Avalnaha kabinieta. Jon patłumačyŭ pryčyny svajho rašeńnia admovicca ad baraćby za druhi prezidencki termin, paviedamlaje Rasijskaja słužba Radyjo Svaboda.
«Dla mianie było honaram žyćcia słužyć vašym prezidentam. Ale abarona demakratyi, jakaja siońnia znachodzicca pad pahrozaj, važniejšaja za lubuju pasadu», — zajaviŭ prezident u pačatku zvarotu. Jon padkreśliŭ, što kraina znachodzicca na razdarožžy i joj patrabujecca lidar, zdolny abjadnać jaje i pavieści napierad.
Tłumačačy svajo rašeńnie admovicca ad naminacyi, Džo Bajden skazaŭ, što ŭ apošnija tydni jamu stała vidavočnaja nieabchodnaść abjadnańnia Demakratyčnaj partyi dla taho, kab jana zmahła vykanać zadaču abarony demakratyi:
«Ja ličyŭ, što majo lidarstva ŭ śviecie, majo bačańnie budučyni krainy davali padstavu dla druhoha prezidenckaha terminu, ale ničoha — ničoha nie pavinna stać na šlachu zachavańnia našaj demakratyi. Najlepšy šlach napierad — pieradača estafiety novamu pakaleńniu, heta najlepšy sposab abjadnać našu krainu».
Prezident nahadaŭ amierykancam pra dasiahnieńni apošnich troch ź lišnim hadoŭ prezidenctva. Pavodle jaho słoŭ, upieršyniu ŭ 21 stahodździ Amieryka nie vajavała, pry hetym jana vystupiła ŭ abaronu Ukrainy, abjekta rasijskaj ahresii.
Jana pieraadoleła nastupstvy sproby zryvu demakratyčnaha pracesu prychilnikami Trampa 6 studzienia 2020 hoda, jana, jak zajaviŭ Džo Bajden, źjaŭlajecca samaj mocnaj krainaj u śviecie.
Adnačasova, prezident Bajden vykłaŭ płan dziejańniaŭ u tyja, što zastalisia paŭhoda jaho prezidenctva. Jon abiacaje zrabić usio nieabchodnaje dla rostu ekanomiki, źnižeńnia koštu lekaŭ, jon kazaŭ pra nieabchodnaść refarmavańnia Viarchoŭnaha suda i abaronie asabistych svabod amierykancaŭ.
Jak adznačajuć kamientatary, karotki dziesiacichvilinny vystup prahučaŭ jak palityčny zapaviet prezidenta, jaki sprabuje vyznačyć svaju spadčynu ŭ historyi krainy.
Jon zhadaŭ imia svajho vice-prezidenta Kamały Charys, jakaja, chutčej za ŭsio, stanie jaho pierajemnikam u roli kandydata ŭ prezidenty ad Demakratyčnaj partyi ŭsiaho adzin raz, nazvaŭšy jaje «daśviedčanym, mocnym, zdolnym» palitykam.
Heta byŭ tolki čaćviorty za try z pałovaj hady prezidenctva Džo Bajdena jaho zvarot da krainy z Avalnaha kabinieta.
Usiaho dva tydni tamu ŭ teleintervju jon zajaviŭ, što admovicca ad naminacyi tolki «pa ŭkazańni Usiavyšniaha», jon nastojvaŭ na tym, što jon ličyć siabie najbolš mocnym z demakrataŭ supiernikam Donalda Trampa na prezidenckich vybarach.
Što prymusiła jaho źmianić punkt hledžańnia prezident Bajden u svaim vystupie nie skazaŭ, jak i nie skazaŭ pra toje, što jon adčuvaje siabie niazdolnym vykonvać abaviazki prezidenta.
Charys apiaredžvaje Trampa: 44% suprać 42% — pieršaje apytańnie paśla źniaćcia Bajdena
U Trampa byŭ efiektyŭny kozyr suprać Bajdena. Ciapier jon moža viarnucca bumieranham
Tramp staŭ najstarejšym kandydatam na pasadu prezidenta ZŠA ŭ historyi
Jak Bajden prymaŭ rašeńnie admovicca ad udziełu ŭ vybarach prezidenta ZŠA. Chronika vychodnych
Čamu Bajden vyrašyŭ vyjści z honki? Voś što pra heta pišuć suśvietnyja miedyja
Kamientary