U Homieli sabaka bajcoŭskaj parody prosta kala padjezda zahryz susiedskuju čychuachua
Incydent adbyŭsia miesiac tamu. Žycharka Homiela z čychuachua Hučy vyjšła pahulać. Viartajučysia dadomu, kala padjezda žančyna z sabačkam sutyknulisia ź pitbulem. Toj raptam nakinuŭsia na kiłahramovuju čychuachua i zahryz jaje, piša «Homielskaja praŭda».
25.07.2024 / 16:27
Čychuachua Hučy, jakaja pierad hvałtoŭnaj śmierciu pražyła z haspadarami 13 hadoŭ na pravach faktyčna člena siamji
Pa słovach haspadara Hučy, pitbula nieadnarazova vyhulvali biez namordnika. Uładalniku nie raz kazali, što bajcoŭskaha sabaku baicca ŭvieś padjezd. Toj, adnak, adkazvaŭ, što sabaka nie kusajecca.
Haspadary zahinułaj čychuachua źviarnulisia ŭ sud, kab pryciahnuć susieda da administracyjnaj adkaznaści za parušeńnie pravił utrymańnia žyvioł. Uładalnik pitbula pryznaŭ vinu i raniej zakony nie parušaŭ, tamu sud abmiežavaŭsia papiaredžańniem. Mužčyna taksama paprasiŭ prabačeńnia i vykazaŭ hatoŭnaść pakryć naniesienuju škodu.
Uładalnik bajcoŭskaha sabaki raskazaŭ, što ŭ toj dzień namordnik na hadavancy byŭ, ale, vierahodna, visieŭ u sabaki na šyi. Ściahnuć namordnik łapaj z mordy dla sabaki mahčyma.
U momant, kali pitbul vychodziŭ z padjezda, čychuachua siadzieŭ kala dźviarej biez haspadara, mabyć, zabiehšy napierad. A jak tolki adčynilisia dźviery, Hučy adrazu kinułasia ŭ padjezd.
Pa słovach homielca, pitbul sam ahresiju nie prajaŭlaje, tolki reahuje na jaje. Mužčyna padkreśliŭ, što škaduje zahinułaha sabaku, ale ličyć incydent niaščasnym vypadkam.
U Mazyry bajcoŭski sabaka pakusaŭ dvuch dziaciej
U Minsku bajcoŭskija sabaki napali na chłopca ź invalidnaściu, ludzi ledź uratavali
U Narviehii zabaranili raźviadzieńnie sabak dźviuch parod. I hetyja parody zusim nie bajcoŭskija