U Rasii anansavali značnaje zapavoleńnie pracy YouTube
Chutkaść zahruzki YouTube na kampjutarach rasijan moža źnizicca da 40% da kanca hetaha tydnia i da 70% — da kanca nastupnaha, zajaviŭ kiraŭnik dumskaha kamiteta pa infarmacyjnaj palitycy Alaksandr Chinštejn, jakoha cytuje RBK.
25.07.2024 / 18:08
Fota ilustracyjnaje
Pavodle deputata, uviedzienaja miera pakul nie zakranie prahladu YouTube z telefona.
«Dehradacyja» YouTube — vymušany krok, nakiravany nie suprać rasijskich karystalnikaŭ, a suprać administracyi zamiežnaha resursu, jaki pa-raniejšamu ličyć, što moža biespakarana parušać i ihnaravać naša zakanadaŭstva»,
— zajaviŭ Chinštejn, adznačyŭšy, što dalejšy los YouTube u Rasii «zaležyć vyklučna ad jaho samoha».
Abmiežavalnyja miery ŭ dačynieńni da YouTube rasijskija ŭłady tłumačać tym, što apošnim časam administracyja servisu zabłakavała niekatoryja papularnyja kanały, praź jakija roznymi sposabami pašyrałasia rasijskaja prapahanda. Siarod ich taksama kanały viadomych praŭładnych artystaŭ, takich jak Shaman (Jarasłaŭ Dronaŭ), Hryhoryj Leps, Palina Haharyna i inšyja.
YouTube zabłakavaŭ kanały Z-śpievaka Šamana i inšych rasijskich praŭładnych vykanaŭcaŭ
ES uvioŭ sankcyi suprać BRSM, a taksama rasijskich śpievakoŭ Šamana i Paliny Haharynaj
Prydybajła zaklikaŭ «zamarudzić jutub», bo ŭ rekamiendacyjach u jaho videa Šrajbmana i Miełkaziorava