ES uvioŭ sankcyi suprać BRSM, a taksama rasijskich śpievakoŭ Šamana i Paliny Haharynaj
Rada ES zaćvierdziła 14-y pakiet sankcyj suprać Rasii. U im — pašyranyja piersanalnyja abmiežavańni, pad jakija trapili 69 fizičnych asob i 47 kampanij.
U 14-y pakiet ES uklučyŭ Biełaruski respublikanski sajuz moładzi za sadziejničańnie ŭ departacyi ŭkrainskich dziaciej ź niezakonna akupavanych terytoryj, a taksama jaho lidara Alaksandra Łukjanava piersanalna.
Taksama ŭ sankcyjny śpis uklučyli śpiavačku Palinu Haharynu, śpievaka Šamana (Jarasłaŭ Dronaŭ), akciora Ivana Achłabyścina.
Akramia taho, u śpis uvajšoŭ mižnarodny dziciačy centr «Artek», «Uralskija avijalinii», fond imia Kadyrava, dziaržsakratar Sajuznaj dziaržavy Dźmitryj Mieziencaŭ, hałoŭnakamandujučy VMF Rasii admirał Alaksandr Majsiejeŭ.
Taksama ŭviedzienyja abmiežavańni ŭ dačynieńni da tak zvanaha cieniavoha rasijskaha fłotu, pad ich trapili 27 sudoŭ.
ES u novym pakiecie sankcyj zabaraniŭ ŚMI, partyjam i analityčnym arhanizacyjam ES prymać finansavańnie z rasijskich krynic.
Razam z hetym Brusel uvioŭ sankcyi suprać kampanij z Kitaja, Kazachstana, Kyrhyzstana, Turcyi i AAE za abychod abmiežavańniaŭ u dačynieńni da Maskvy.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?11
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary
- Prabačcie, mianie ban na atrymańnie šenhienskaj vizy nie patrebny.