Ksiondz Uładzisłaŭ Zavalniuk bolš nie probašč Čyrvonaha kaścioła
26.07.2024 / 15:57
Ksiondz Uładzisłaŭ Zavalniuk padaŭ prośbu ab zvalnieńni z pasady probašča Čyrvonaha kaścioła ŭ Minsku paśla 30 hadoŭ kiravańnia parafijaj, paviedamlaje «Chryścijanskaja vizija». Jon byŭ abaviazany heta zrabić u suviazi z dasiahnieńniem 75-hadovaha ŭzrostu.
26 lipienia Mitrapalit Minska-Mahiloŭski Iosif Stanieŭski pryznačyŭ novaha probašča parafii Śviatoha Symona i Śviatoj Aleny ŭ Minsku — ksiandza Franca Rudzia.
Ksiondz Uładzisłaŭ Zavalniuk atrymaje tytuł «emieryt» — havorycca ŭ paviedamleńni archidyjacezii.
Kanał «Katolik.life. Nieaficyjnaje» adznačaje, što ŭ samoj parafii pakul nie kamientavali źmieny.
Raniej ad katalickich śviataroŭ pastupali źviestki, što adnoj z umoŭ viartańnia Čyrvonaha kaścioła viernikam moža być patrabavańnie adstaŭki probašča Uładzisłava Zavalniuka, jaki kiruje parafijaj z 1990 hoda.
Čytajcie taksama:
Probašču Čyrvonaha kaścioła Uładzisłavu Zavalniuku spoŭniłasia 75 hadoŭ
Bieź śviatła, vady i chrama žyvie ŭ Minsku Kapiełan Papy Rymskaha
Papa Francišak nadaŭ Uładzisłavu Zavalniuku tytuł Kapiełana Jaho Śviataści
Zvolnili probašča kafiedralnaha kaścioła ŭ Minsku, jaki słužyŭ tam 20 hadoŭ