Jeŭrasajuz pieraličyŭ na patreby Ukrainy 1,5 młrd jeŭra dachodaŭ ad srodkaŭ Rasii
Kiraŭnica Jeŭrakamisii Ursuła fon der Lajen paviedamiła pra pieršaje pieraličeńnie dachodaŭ ad zamarožanych u ES rasijskich aktyvaŭ u pamiery 1,5 miljarda jeŭra na patreby abarony Ukrainy.
26.07.2024 / 18:58
Ursuła fon der Lajen. Fota: Andreea Alexandru / AP
Jeŭračynoŭnica adznačyła, što hetyja hrošy buduć nakiravanyja na abaronu i rekanstrukcyju Ukrainy.
«Niama lepšaha simvała i ŭžytku hrošam Kramla, čym zrabić Ukrainu i ŭsiu Jeŭropu bolš biaśpiečnym miescam dla žyćcia», — havorycca ŭ jaje zajavie.
Asnoŭnaja masa rasijskich srodkaŭ pa-raniejšamu zastajucca zamarožanymi ŭ zachodnich bankach, bo adnosna ich mahčymaj kanfiskacyi siarod krain ES niama kansensusu. Ale byŭ pryniaty kampramisny varyjant: na patreby Ukrainy pakul nakiroŭvajucca tolki dachody ad hetych srodkaŭ, jakija składajuć niekalki miljardaŭ jeŭra ŭ hod.
Jeŭrasajuz pryznaŭ praźmiernym deficyt biudžetu ŭ vaśmi svaich členaŭ
Eks-dziaržsakratar ZŠA apublikavaŭ imavierny mirny płan Trampa pa Ukrainie. Što ŭ im?
«Rasija łže nakont ekanamičnaha rostu. Sankcyi pracujuć, ich treba ŭzmacnić» — ministry finansaŭ ES