«Rasija łže nakont ekanamičnaha rostu. Sankcyi pracujuć, ich treba ŭzmacnić» — ministry finansaŭ ES
Zachodnija sankcyi, jakija rasijskaja prapahanda sprabuje pradstavić jak stymuł dla rostu ekanomiki Rasii, na samaj spravie stali pačatkam jaje resavietyzacyi, miarkujuć ministry finansaŭ vaśmi krain Jeŭrasajuza. U kałoncy dla The Guardian jany patłumačyli, što efiektyŭnaść ekanamičnaha cisku na Rasiju vidavočnaja, i zaklikali ŭzmacniać jaho, piša «Ahientstvo».
![](http://nashaniva.com/img/w840d4webp1/photos/z_2024_07/gettyimages-2161631785-oyneb.jpg.webp)
Pad kałonkaj, apublikavanaj vydańniem The Guardian, stajać proźviščy ministraŭ finansaŭ Šviecyi, Danii, Estonii, Finlandyi, Łatvii, Litvy, Niderłandaŭ i Polščy.
Ministry zajavili pra nieabchodnaść supraćstajać naratyvam rasijskaj prapahandy pra toje, što rasijskaja ekanomika ŭ dobrym stanie, a zamiežnyja sankcyi «pasłužyli stymułam dla jaje rostu».
Nasamreč, toje, što možna było b pamyłkova pryniać za «stymuł» dla rostu rasijskaj ekanomiki, źjaŭlajecca pačatkam jaje resavietyzacyi, pišuć ministry. Prykmietami hetaha pracesu jeŭrapiejskija čynoŭniki nazvali ŭzmacnieńnie kantrolu nad rynkam z boku dziaržavy, vialikija dziaržvydatki, jakija finansujucca za košt kanfiskacyi pryvatnych aktyvaŭ, i pieraaryjentacyju ekanomiki na vajskovuju pramysłovaść z «poŭnaj pahardaj» da sacyjalnaha i ekanamičnaha dabrabytu nasielnictva.
Heta nie moža być paśpiachovaj doŭhaterminovaj stratehijaj, pišuć ministry finansaŭ krain ES.
Karotkaterminovy pierahreŭ ekanomiki, vyklikany bujnymi inviestycyjami ŭ vajskovuju pramysłovaść i vielmi abmiežavanym dostupam da technałohij, chutčej za ŭsio, budzie pieraškadžać rostu pradukcyjnaści i pryviadzie da stahnacyi pryvatnaha siektara, paskareńniu inflacyi i pavieličeńniu cisku na rasijskija domahaspadarki, havorycca ŭ publikacyi.
Prykmietami niestabilnaj ekanomiki aŭtary publikacyi nazyvajuć poŭnuju zahruzku vajskovych pradpryjemstvaŭ, rekordna nizkaje biespracoŭje, uchvaleńnie Pucinym idei zamianiać pazbaŭleńnie voli papraŭčymi rabotami, rost inflacyi i cenaŭ na impartnyja tavary, a taksama dvuchrazovaje skaračeńnie likvidnych aktyvaŭ Fondu nacyjanalnaha dabrabytu, pra što pisaŭ Bloomberg.
Dla raźviazańnia prablem u ekanomicy Kramlu daviadziecca pavialičvać vydatki, što budzie, u svaju čarhu, padhaniać inflacyju i jašče bolš vyčerpvać rasijejskija hrašovyja reziervy, pišuć ministry finansaŭ.
«Kali [Uładzimir] Pucin zastaniecca na hetym šlachu, doŭhaterminovaja škoda rasijskaj ekanomicy moža być značnaj i, chutčej za ŭsio, jašče bolš padarvie davier [da palityki ŭładaŭ]», — havorycca ŭ publikacyi.
Sankcyi, nakiravanyja suprać rasijskaj ekanomiki, źmianili hieahrafiju zamiežnaha handlu Rasii, zabiaśpiečyli skaračeńnie dachodaŭ ad ekspartu ŭ 2022 i 2023 hadach prykładna na tracinu i abmiežavali dostup Kramla da pradukcyi, nieabchodnaj na poli boju, pišuć jeŭrapiejskija čynoŭniki.
Aŭtary publikacyi ličać, što treba praciahvać i rabić bolš žorstkimi sankcyi «ŭ stratehična važnych siektarach, takich jak enierhietyka, finansy i technałohii». Akramia taho, varta palepšyć vykanańnie ŭžo ŭviedzienych sankcyj, u pryvatnaści cenavaj stoli na rasijskuju naftu, miarkujuć ministry.
Taksama jany zajavili pra nieabchodnaść uvieści lustranyja sankcyi suprać Biełarusi i akazać bolšy cisk na krainy Uschodniaj Azii i Blizkaha Uschodu, jakija dapamahajuć Rasii abychodzić sankcyi.
Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi
Rasijski vajenpram surjozna zavinavaciŭsia Biełarusi. Nie dapamahajuć navat sudy
«Nie źviartać uvahi na mierkavańni marali na karyść kreatyŭnaści». Uzłamana pierapiska supracoŭnikaŭ rasijskaj raźviedki
Biełaruś užo asvoiła rasijski kredyt na impartazamiaščeńnie i prosić novy
Kamientary
Ale nastupstvy vidavočnyja: finansavyja reziervy Rasiei skracilisia da krytyčnaha ŭzroŭniu, resurs mahutnaściaŭ VPK vyčarpany i praź niemahčymaść adnaŭleńnia budzie tolki skaročvacca, inflacyja bje rekordy, va ŭmovach uzmacnieńnia sankcyjnaha, administracyjnaha, fiskalnaha i manietarnaha cisku nievajenny siektar stahnuje, a abvastreńnie niedafinansavańnia znošanaj infrastruktury spravakavała i pradoŭžvaje pravakavać šmatlikija masštabnyja kamunalnyja avaryi pa ŭsiejo Rasiei. Tamu bieły puchnaty źviarok upeŭniena nabližajecca.