Jahadny tart z maskarpone — recept
Hety jahadny tart vielmi smačny, jaho lohka pryhatavać i dla jaho nie spatrebicca šmat inhredyjentaŭ. Z maślanistaj skarynkaj, śmietankovym syram maskarpone, z notkami vanili i apielsinavaj cedry i vialikaj kolkaściu śviežych jahad, hety desiert — sapraŭdny łasunak.
03.08.2024 / 07:25
Fota: Elise Bauer / simplyrecipes.com
Spatrebicca:
dla karža ź piasočnaha ciesta
- 1 šklanka raźmiakčanaha padsolenaha masła
- 2 šklanki muki vyšejšaha hatunku
- 1/2 šklanki cukrovaj pudry
dla načynki
- dźvie šklanki raźmiakčanaha syru maskarpone
- 1/2 šklanki hustych viarškoŭ
- 1 struk vanili abo 1 č. ł. vanilnaha ekstraktu
- dźvie čajnyja łyžki cukrovaj pudry
- 2 apielsiny
- 4 kubki kłubnic
- adna šklanka čarnic
- adna šklanka kłubničnaha vareńnia
Jak hatavać:
Vymyjcie i pačyścicie kłubnicy i razrežcie ich na pałoŭki. Vykładzicie jahady ŭ misku, palicie sokam dvuch apielsinaŭ i dajcie nastajacca. Vymyjcie čarnicy i absušycie.
Robim korž:
Razahrejcie duchoŭku da 180℃.
Uźbivajcie masła, muku i cukrovuju pudru miksieram (ručnym ci zvyčajnym) na praciahu 2-3 chvilin.
Vykładzicie ciesta ŭ formu dla piraha i raźmiarkujecie pa ŭsioj pavierchni i pa krajach, pakul jano nie laža raŭnamierna. Pry nieabchodnaści abrežcie kraju nažom i dadajcie dadatkovaje ciesta na tyja ŭčastki, dzie jano bolš tonkaje.
Vypiakajcie prykładna 20-25 chvilin abo da źlohku załacistaj skarynki.
Dastańcie z duchoŭki i dajcie całkam astyć pierad hatavańniem načynki.
Hatujem načynku:
Z dapamohaj miksiera na siaredniaj chutkaści ŭźbicie syr maskarpone z hustymi viarškami i vanillu. Dadajcie cedru apielsina. Praciahvajcie ŭźbivać sumieś 1-2 chviliny, pakul usio dobra nie pieramiašajecca.
Raŭnamierna raźmiarkujecie sumieś z maskarpone pa asnovie piraha.
Na maskarpone roŭnym płastom vykładzicie kłubničny džem, a na jaho — čarnicy.
Smačna jeści!
Recept na vychadnyja. Bananavy tart taten — francuzskaja kłasika pa-novamu
Tart z kukuruznymi šmatkami — aryhinalnaje vykarystańnie zvykłaha praduktu
Tyramisu z malinami padsałodzić žyćcio
Śmiatannaje žele ź piersikami: jaho raschapajuć vašy siabry