Kitaj skaraciŭ impart biełaruskaha charčavańnia. Pa niekatorych pazicyjach padzieńnie vielmi značnaje
U biahučym hodzie Kitaj skaraciŭ impart ź Biełarusi pa šerahu charčovych tavarnych pazicyj. Pra heta śviedčać danyja Hałoŭnaha mytnaha ŭpraŭleńnia KNR, piša Myfin.by.
27.07.2024 / 18:17
Fota ilustracyjnaje
U 2024 hodzie Kitaj praciahvaje rabić zakupki ź Biełarusi pa asobnych charčovych tavarnych pazicyjach. Pry hetym pa niekatorych vidach pradukcyi nazirajecca skaračeńnie abjomu zakupak jak u koštavym, tak i ŭ kolkasnym vyražeńni.
U studzieni — červieni 2024 hoda Kitaj impartavaŭ ź Biełarusi rapsavaha aleju na sumu kala $130 młn. U paraŭnańni z anałahičnym pieryjadam minułaha hoda zakupki źmienšylisia bolš čym na $45 młn.
Impart miasa i charčovych subpraduktaŭ chatniaj ptuški z RB skaraciŭsia z $172,2 młn u 1-m paŭhodździ 2023 hłda da $94,4 młn za taki ž pieryjad hetaha hoda.
Zakupki zamarožanaj jałavičyny prasieli z $46,8 młn da $41,6 młn.
Taksama zafiksavana padzieńnie impartu i pa inšych charčovych pazicyjach:
- małočnaja syrovatka — minus $9 młn;
- małako i viarški, zhuščanyja abo z dadavańniem cukru abo inšych padsałodžvalnych rečyvaŭ — minus $7,2 młn.
Biełaruś ci Polšča: chto važniejšy handlovy partnior dla Kitaja?
Kitaj zaciahvaje pastaŭki novych ciahnikoŭ u Biełaruś, bo baicca trapić pad sankcyi
Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES
Biełaruś udvaja skaraciła pastaŭki kaliju ŭ Kitaj — vyciskajuć Rasija i Kanada