Na Hałanskija vyšyni prylacieła rakieta, zahinuli jak minimum 10 dziaciej i padletkaŭ
Pa kantralavanych Izrailem Hałanskich vyšyniach naniesieny rakietny ŭdar z terytoryi Livana. Rakieta vybuchnuła pobač ź dziciačaj placoŭkaj u Madždal-Šamsie, što znachodzicca ŭ paŭnočnaj častcy Hałanskich vyšyń, jeść šmat zahinułych i paciarpiełych.
27.07.2024 / 21:13
Fota: Jalaa Marey/Agence France-Presse — Getty Images
U vyniku rakietnaj ataki pa Hałanskich vyšyniach zahinuli jak minimum 10 dziaciej i padletkaŭ, jašče kala 30 čałaviek atrymali ranieńni.
«Chiezbała» adchilaje svajo dačynieńnie da rakietnaha ŭdaru, paviedamlajuć ahienctvy ab spasyłkaj na pradstaŭnika ruchu, jaki daŭ kamientar telekanału Al Jadeed. ▪ ️
Udar adbyŭsia na fonie novych razmoŭ pra mahčymaje pahadnieńnie Izraila z CHAMAS. Vydańnie Axios sa spasyłkaj na try krynicy piša, što svaju novuju prapanovu ab pahadnieńni, vynikam jakoj pavinna stać vyzvaleńnie zakładnikaŭ, zachoplenych pry terarystyčnaj atacy na krainu 7 kastryčnika 2023 hoda, Izrail nakiravaŭ ZŠA.
Administracyja Nietańjachu nibyta ŭklučyła ŭ ździełku spynieńnie ahniu ŭ Hazie i prapanavała detali kantrolu za pierasoŭvańniami cyvilnych asob u im, kab nie dapuskać rostu terarystyčnaj pahrozy dla siabie. Kantrol za pieramiaščeńniem ludziej i pieravozkaj zbroi ŭ ankłavie Haza, pa dadzienych Axios, Izrail prapanuje struktury, stvoranaj zamiežnaj dziaržavaj.
Pieramovy ab pahadnieńni Izraila i CHAMAS praciahvajucca ŭžo niekalki miesiacaŭ. Svoj varyjant pahadnieńnia ŭžo pieradała bakam administracyja Bajdena, adnak jano nie zadavoliła baki.
Eks-dziaržsakratar ZŠA apublikavaŭ imavierny mirny płan Trampa pa Ukrainie. Što ŭ im?
Izrail papiaredziŭ Francyju ab mahčymym terakcie padčas Alimpijady
Chusity abstralali izrailski kurort Ejłat
Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»