Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»
Izrail nanios avijaŭdary pa jemienskim porcie Chadejda, jaki znachodzicca pad kantrolem uzbrojenaha prairanskaha ruchu chusitaŭ, na nastupny dzień paśla taho, jak zapuščany hrupoŭkaj dron atakavaŭ Tel-Aviŭ. Izrailski premjer nazvaŭ avijaŭdary pramym adkazam na hetuju ataku, piša VVS.
U zajavie Armii abarony Izrailu havorycca, što «paśla dzieviaci miesiacaŭ bieśpierapynnych pavietranych napadaŭ» chusitaŭ izrailskija źniščalniki F-15 nanieśli masiravany ŭdar na adlehłaści bolš za 1800 km pa vajennych celach u rajonie porta Chadejda na Čyrvonym mory.
Urad u Sanie, jaki kantralujecca chusitami, u svaju čarhu zajaviŭ, što Izrail nanios udar pa naftaschoviščach niedaloka ad bieraha mora, a taksama pa elektrastancyi. Źviazanyja z chusitami ahienctvy navinaŭ paviedamili, što ŭ vyniku ŭdaraŭ try čałavieki zahinuli i bolš za 80 atrymali ranieńni.
«Port, jaki my atakavali, zusim nie niavinny, — zajaviŭ u telezvarocie da izrailcian premjer-ministr Bieńjamin Nietańjachu. — Jon vykarystoŭvaŭsia dla vajennych metaŭ i słužyŭ punktam pierakidki śmiarotnaj zbroi, jakaja pastaŭlałasia chusitam Iranam».
«Ataka była pramym adkazam na ŭdar bieśpiłotnikam, u vyniku jakoha zahinuŭ hramadzianin Izraila i byli paranieny inšyja hramadzianie», — skazaŭ Nietańjachu.
Napiaredadni chusity ŭziali na siabie adkaznaść za ataku drona, jaki ranicaj u piatnicu dalacieŭ da Tel-Aviva. U vyniku vybuchu zahinuŭ adzin mirny žychar — 50-hadovy mužčyna, jaki niadaŭna pryjechaŭ ź Biełarusi, jašče vosiem čałaviek byli paranienyja.
Chusity i raniej zapuskali iranskija drony ŭ bok Izraila, ich źbivali izrailskija SPA. Vypadkaŭ, kali bieśpiłotnikam ŭdavałasia dalacieć da Tel-Aviva, da piatnicy viadoma nie było. Toje, što hety dron nie byŭ źbity, izrailskija ŭłady tłumačyli čałaviečym faktaram.
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary