Tramp zajaviŭ ab namiery zrabić ZŠA kryptavalutnaj zvyšdziaržavaj. Raniej jon nazyvaŭ bitkojn afioraj
Kandydat u prezidenty ZŠA ad Respublikanskaj partyi staŭ hałoŭnym śpikieram na mierapryjemstvie, jaki sabraŭ najbolš upłyvovych udzielnikaŭ kryptavalutnaj supolnaści. Tramp paprasiŭ kryptavalutnuju industryju pra padtrymku jaho na vybarach. Raniej Tramp nazyvaŭ bitkojn žulnictvam, piša BBC.
28.07.2024 / 10:39
Donald Tramp. Fota: AP Photo / Alex Brandon
Donald Tramp vystupaŭ kala 45 chvilin. Jon siarod inšaha śćviardžaŭ, što Demakratyčnaja partyja i asabista vice-prezident Kamała Charys, jaho vierahodnaja supiernica na vybarach, «suprać krypty».
Tramp zajaviŭ, što maje namier pieratvaryć ZŠA ŭ «kryptastalicu płaniety», kali pryjdzie da ŭłady.
«Kali kryptavaluta budzie vyznačać budučyniu, ja chaču, kab jaje majnili, čakanili i vyrablali ŭ ZŠA», — skazaŭ jon.
«Siońnia dniom ja vykažu svoj płan, jaki daść mahčymaść Złučanym Štatam stać kryptastalicaj płaniety i bitkojn-zvyšdziaržavaj śvietu, i my hetaha dasiahniem», — dadaŭ Tramp.
Jon adznačyŭ, što maje namier stvaryć «stratehičny rezierv» bitkojnu ŭ krainie ŭ vypadku prychodu da ŭłady.
Ciapierašniaja padtrymka Trampam kryptavalutnoho biźniesu i baraćba za jaho simpatyi rezka kantrastuje ź jaho ž pazicyjaj 2021 hoda, kali jon kazaŭ telekanału Fox Business, što bitkojn— heta afiora, jakaja ciśnie na kurs dalara.
Eks-dziaržsakratar ZŠA apublikavaŭ imavierny mirny płan Trampa pa Ukrainie. Što ŭ im?
Siarod zarehistravanych vybarcaŭ za Trampa 48%, za Charys 46% — apytańnie New York Times
«Simpsany» jašče ŭ 2000 hodzie pradkazali, što Kamała Charys stanie prezidentam?