Siarod zarehistravanych vybarcaŭ za Trampa 48%, za Charys 46% — apytańnie New York Times
Pavodle inšaha apytańnia, vice-prezident ZŠA Kamała Charys i kandydat u prezidenty Donald Tramp majuć amal roŭny ŭzrovień padtrymki. Ich raździalaje ŭsiaho 1%.
Pavodle źviestak daśledavańnia NYT i Instytuta Siena College, za byłoha lidara ZŠA hatovyja addać hałasy 48% vybarščykaŭ, a za vice-prezidenta — 47%. Havorka idzie pra vierahodnych vybarcaŭ, piša NY Tymes.
Siarod zarehistravanych situacyja adroźnivajecca na dva pracentnyja punkty: za Trampa hatovyja prahałasavać 48% vybarcaŭ, za Charys — 46%.
Vydańnie adznačaje, što skaracić značnuju pieravahu Trampa dapamahło, imavierna, chutkaje pierafarmatavańnie Demakratyčnaj kaalicyi. Jak piša NYT, Charys atrymała 93% padtrymki ad demakrataŭ — roŭna takuju ž dolu, jakuju Tramp atrymlivaŭ ad respublikancaŭ.
Charys zajaviła žurnalistam pra hatoŭnaść da debataŭ z Trampam. Druhija debaty pamiž prezidentam ZŠA Džo Bajdenam i Trampam pavinny byli adbycca 10 vieraśnia na kanale ABC News.
Ale paśla vychadu kiraŭnika dziaržavy ź pieradvybarnaj honki, Tramp paličyŭ za lepšaje pieranieści debaty na kanał Fox News, jaki ličycca da jaho blizkim.
Jon vykazaŭ hatoŭnaść da dyskusii i zajaviŭ, što hatovy sustrecca z Charys nie raz. Jana pakul nie adkazała, ci budzie debatavać z Trampam na Fox News.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści10
Kamientary