У Гродне мужчына катаўся на электрасамакаце з касой і пагражаў падлеткам
Раздражнёнага самакатчыка затрымліваў АМАП.
29.07.2024 / 16:29
Фота: міліцыя Гродна
У сярэдзіне ліпеня ў гродзенскую міліцыю звярнуліся два падлеткі. Яны расказалі, што паблізу вуліцы Захарава да хлопцаў пад'ехаў мужчына на самакаце і замахнуўся на іх касой. Абышлося без цялесных пашкоджанняў.
Міліцыянеры высветлілі асобу дзіўнага самакатчыка — 36-гадовага мужчыну затрымлівалі з прыцягненнем АМАП. Гарадзенец патлумачыў, што падлеткі «перашкаджалі яму адпачываць».
У дачыненні да самакатчыка распачалі крымінальную справу за асабліва злоснае хуліганства. Санкцыя артыкула прадугледжвае да 10 гадоў калоніі.
У Слоніме хлопцы самастойна затрымалі мужчыну, які страляў у іх з пнеўматычнай вінтоўкі
Міліцыя страляла ў двары мінскага шматпавярховіка. Што здарылася?
П'яны мужчына пасля адпачынку на Зыбіцкай адхвастаў дзягай чужыя машыны. Цяпер яго будуць судзіць