У Слоніме хлопцы самастойна затрымалі мужчыну, які страляў у іх з пнеўматычнай вінтоўкі
У Слоніме 40-гадовы мясцовы жыхар у стане алкагольнага ап'янення стрэліў у кампанію маладых людзей: яны яму нібыта перашкаджалі. Але хлопцы не разгубіліся і здолелі самі затрымаць мужчыну, паведамілі ва УУС Гродзенскага аблвыканкама.
Інцыдэнт адбыўся 3 ліпеня. Раніцай пяцёра маладых людзей ва ўзросце ад 23 да 27 гадоў, паводле інфармацыі міліцыі, адпачывалі ў слонімскай кватэры. Затым яны выйшлі на вуліцу пагаварыць, а хутка да хлопцаў спусціўся п'яны жыхар дома. Ён стаў патрабаваць, каб яны неадкладна адтуль пайшлі, бо, маўляў, яму перашкаджаюць.
Не дабіўшыся свайго, мужчына падняўся да сябе ў кватэру, узяў пнеўматычную вінтоўку і стрэліў на вуліцу ў бок кампаніі.
Пасля таго хлопцы «самастойна затрымалі зламысніка і ўтрымлівалі яго да прыбыцця супрацоўнікаў міліцыі».
Пры стральбе ніхто не пацярпеў. Да гэтага інцыдэнту мужчыну да адказнасці не прыцягвалі. Сам жа ён расказаў, што хлопцы шумна сябе паводзілі і «перашкаджалі адпачываць». Але ў іншых жыхароў дома скаргаў на шум ад кампаніі не было.
Цяпер мужчыну падазраюць у асабліва злосным хуліганстве (ч. 3 арт. 339 КК Беларусі), яму пагражае да 10 гадоў пазбаўлення волі.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары