Samy zahadkavy vizit. Łukašenka nie prajaśniŭ, pra što damaŭlaŭsia z Pucinym na Vałaamie
Takoj zakrytaj sustrečy pamiž Pucinym i Łukašenkam jašče nie było: trochdzionnyja pieramovy na vostravie Vałaam prajšli amal u poŭnym infarmacyjnym vakuumie, adznačajuć ekśpierty. Prapahandysty paabiacali padrabiaznaści ad Łukašenki. Siońnia jon pravioŭ admysłovuju naradu pa mižnarodnych pytańniach, dzie, jak anansavała jaho pres-słužba, i pavinien byŭ raspavieści pra vyniki pierahavoraŭ z Pucinym.
29.07.2024 / 12:42
Łukašenka z Pucinym na Vałaamie, 26 lipienia 2024 hoda. Fota: presavaja słužba prezidenta Rasii
Ale Łukašenka abyšoŭsia staranna padabranymi ahulnymi słovami. Jon raspavioŭ, što z Uładzimiram Pucinym znajšoŭ parazumieńnie «pa ŭsich pytańniach». «Nieprymańnia absalutna niama», — skazaŭ jon.
Łukašenka dadaŭ, što «ŭsie pytańni pavinny być vyrašanyja da pačatku čaćviortaha kvartała», nie raskryvajučy hetyja pytańni.
«Z prezidentam Rasii my damovilisia, što da hetaha momantu pavinny być zakryty ŭsie prablemnyja pytańni — i pa linii saŭbiezaŭ (ab harantyjach biaśpieki), i pa temach urada, — skazaŭ biez udakładnieńniaŭ Łukašenka.
Ale jon adznačyŭ, što ŭ paradku dnia pieramoŭ centralnaje miesca zajmali pytańni zabieśpiačeńnia biaśpieki.
«Jany zakryty charaktar nasili. Usie siłavyja struktury i ministry padklučanyja, Ministerstva zamiežnych spraŭ — pa peŭnych pytańniach. Voś sutnaść hetych pieramovaŭ. Ja jašče raz padkreślivaju: parazumieńnie znojdziena pa ŭsich pytańniach, nieprymańnia nijakaha niama», — skazaŭ jon.
Adzinaje, što prahučała bolš kankretna, heta toje, što Łukašenka abmiarkoŭvaŭ na sustrečy z Pucinym novuju formułu cenaŭtvareńnia na naftu, utylizacyjny zbor i pieradapłatu za naftu.
Nakont pieradapłaty Pucin, sa słoŭ Łukašenki, navat aburyŭsia.
«Hetaha być nie moža! Jakaja pieradapłata? Usio žyćcio pracavali bieź pieradapłaty — zmožam i dalej pracavać», — pieradaŭ Łukašenka słovy Pucina.
Što raskazać pra sustreču Łukašenki z Pucinym na Vałaamie, nie viedaje i prapahanda
Bieź Bieleńkaha na Vałaamie taksama nie abyšłosia FOTAFAKT
Nie damovilisia? Takoj zakrytaj sustrečy pamiž Pucinym i Łukašenkam jašče nie było