U Polščy banda hramadzian Ukrainy rabavała aŭtamabili biełarusaŭ i ŭkraincaŭ
Troje hramadzian Ukrainy sa śniežnia 2021 pa luty 2024 hoda ździajśniali kradziažy z aŭtamabilaŭ u Padkarpackim i Lublinskim vajavodstvach Polščy, piša Most.
29.07.2024 / 17:57
Fota: kurierlubelski.pl
Złačynstvy mieli adnolkavy počyrk: kab zaleźci ŭ mašynu złamyśniki vykarystoŭvali elektronnyja pryłady, jakija razbłakavali zamki aŭtamabilaŭ, paviedamlaje Kurjer Lubelski.
Ahulnaja škoda ad dziejańniaŭ złačyncaŭ aceńvajecca ŭ sumu jak minimum 150 000 złotych (kala 38 tysiač dalaraŭ). Paciarpiełymi ad dziejańniaŭ hrupy byli hramadzianie Biełarusi i Ukrainy.
36– i i 51-hadovaha hramadzian Ukrainy zatrymali na prapusknym punkcie ŭ nasielenym punkcie Miedyca, kali jany sprabavali vyjechać va Ukrainu. Jašče adnaho, 44-hadovaha złamyśnika zatrymali ŭ horadzie Žešaŭ.
Usie troje źmieščanyja pad aryšt. Rasśledavańnie praciahvajecca.
U Italii zatrymali biełarusaŭ, jakich padazrajuć u pierabiŭcy ŭkradzienych aŭto
Prysudžany da 25 hadoŭ kałonii za kanibalizm vałhahradziec źjechaŭ na vajnu z Ukrainaj
Biełarusy ŭvajšli ŭ top kibierzłačynnaści śvietu