Prysudžany da 25 hadoŭ kałonii za kanibalizm vałhahradziec źjechaŭ na vajnu z Ukrainaj
Na froncie jon sustreŭsia ź ziemlakom, asudžanym za rasčlanieńnie.
Žychar Vałhahrada Dźmitryj Małyšaŭ, asudžany na 25 hadoŭ źniavoleńnia źjechaŭ na vajnu va Ukrainu. Mužčynu zavierbavali vosieńniu 2023 hoda, a ŭ lutym 2024-ha jon atrymaŭ ranieńnie, piša «Nastojaŝieje vriemia».
Pavodle infarmacyi vydańnia, Małyšaŭ časta publikuje fatahrafii z frontu na svajoj staroncy ŭ «Adnakłaśnikach». Na adnoj ź ich jon razam z Alaksandram Maśleńnikavym, — uradžencam Vołžskaha Vałhahradskaj vobłaści, asudžanym za zabojstva z rasčlanieńniem, zhvałtavańnie, rabavańnie i razboj.
U razmovie z žurnalistami Małyšaŭ zajaviŭ, što pajšoŭ na vajnu «ŭ imia zachavańnia tradycyjnych kaštoŭnaściaŭ Rasii».
«My z Alaksandram [Maśleńnikavym] razam siadzieli i razam padpisali kantrakt ź Minabarony ŭ kastryčniku 2023 hoda. Słužym u «Štorm V». Viedaŭ ja takich, chto z kałonii siudy išoŭ, kab prosta źmianić abstanoŭku. Zvyčajna jany chutka źnikajuć. Ale ja razumieŭ, navošta ja jedu i kudy ja jedu. Voś vy jak pastaviciesia, kali ŭ škole vašaj maleńkaj dačce buduć raspaviadać u pačatkovych kłasach, jak pravilna nadziavać preziervatyŭ? Mnie nienarmalna», — zajaviŭ u razmovie z žurnalistami mužčyna.
U 2015 hodzie Vałhahradski abłasny sud pryhavaryŭ Małyšava da 25 hadoŭ pazbaŭleńnia voli. Jaho pryznali vinavatym u zabojstvie, padrychtoŭcy da kradziažu aŭtamabila, niezakonnym nabyćci zbroi, a taksama zamachu na zabojstva i kradziež zbroi.
Zhodna z rašeńniem suda, Małyšaŭ zabiŭ znajomaha hvazdadzioram, zatym nažom vyrazaŭ jaho serca i zasmažyŭ jaho na patelni.
Alaksandra Maślenikava ŭ 2017 hodzie pryznali vinavatym u zabojstvie i rasčlanieńni dźviuch dziaŭčat i pryhavaryli da 22 hadoŭ kałonii.
Ciapier čytajuć
U centry Minska tajamniča źnikła dačka dyrektara bujnoha ahrakompleksu5
Kamientary