Ułaśniki kramy Kropka, na jakuju byŭ ździejśnieny napad, abviaścili zbor na ramont abo zaprašajuć niešta nabyć
U noč na niadzielu nieviadomyja napali na kramu, raźbiŭšy akno i pakinuŭšy brydki nadpis.
30.07.2024 / 09:54
«Daražeńkija, pazaŭčora nočču na Kropka adbyŭsia napad, chutčej za ŭsio z boku łukašystaŭ, ale Kropku nie raźbić, nie spynić, nie strymać!
Tamu my adčyniajem rachunak na płatformie buymeacoffee, kab vy mahli nam dapamahčy adnavić šyby i ścieny kramy», — napisali Źmicier i Volha Furmanavy ŭ svaich sacsietkach.
Taksama jość mahčymaść nam achviaravać naŭprost na bankaŭski rachunak
MB KROPKA
LT977300010185765144
z paznakaj u apisańni słovam Parama (padtrymka)
Źmicier i Volha zaznačajuć, što dla ich i ich cudoŭnych majstroŭ i majstryc budzie najlepšaj padtrymkaj, kali vy niešta nabudziecie ŭ kramie.
Krama Kropka znachodzicca ŭ centry Vilni na vulicy Savičaŭ (Savičiaus g. 6) pamiž Ratušnaj płoščaj i korpusam EHU. Pracuje z 11:00 da 20:00 štodnia.
U noč na niadzielu nieviadomyja napali na kramu. Tam raźbili akno, a na ścianie napisali pa-litoŭsku «Viartajciesia dadomu, biełaruskija śvińni».
Ułaśnik paškodžanaj kramy Kropka ŭ Vilni: Pa videa bačna, jak čałaviek fotkaje nadpis
Były palitviazień z žonkaj adkryli kramu suvieniraŭ — jak idzie sprava?