Ci budzie jeŭrapiejski Centrabank adpuskać inflacyju? Niamieččynie heta było b vyhadna
Ekanomiki Hiermanii i Francyi pieražyvajuć biazradasnyja časy. U toj ža čas pakazčyki Ispanii, Partuhalii i Hrecyi rastuć. Heta dyktuje roznyja padychody da finansavaj palityki. Jaki ź ich pieramoža?
30.07.2024 / 14:41
Fota: Jon Hicks / Getty Images
Ekanomiki dźviuch mahutnych krain Jeŭropy, jakija tradycyjna byli jaje lidarami, Hiermanii i Francyi, pieražyvajuć istotnyja ciažkaści.
Jak piša ekanamičny ahladalnik Bloomberg Markuš Ešvort (Marcus Ashworth),
Hiermanija apošnija dva hady znachodzicca ŭ stahnacyi, pramysłovyja zamovy praciahvajuć źnižacca, i prykmiet adnaŭleńnia pakul nie vidać. Pryčyny hetamu aŭtar bačyć u spynieńni pastavak tannych rasijskich enierharesursaŭ i spadzie ekspartnaha rynku ŭ Kitai.
Akramia hetaha, niamiecki aŭtapram sutyknuŭsia z dadatkovaj prablemaj — rostam kankurencyi Kitaja ŭ pastaŭkach na rynak elektramabilaŭ. U vyniku ŭ mai hetaha hoda pramysłovaja vytvorčaść pakazała najhoršy vynik za apošnija čatyry hady.
U toj ža čas ekanomiki paŭdniovych krain Jeŭropy — Ispanii, Partuhalii i Hrecyi — demanstrujuć šmatabiacalnyja prykmiety rostu. Ispanija, čaćviortaja pa pamiery ekanomika jeŭrazony, u hetym hodzie pakazała samy istotny rost. Pry hetym tam rastuć i spažyvieckija ceny, što stvaraje pahrozu dla novaha vitku inflacyi.
Taki padzieł stvaraje dylemu dla Jeŭrapiejskaha centralnaha banka, palityka jakoha nakiravanaja na źnižeńnie inflacyi ŭ jeŭrazonie da 2% za hod (u červieni jana była na ŭzroŭni 2,5% — biełarusy pra takuju ličbu mohuć tolki maryć, takoha ni razu nie było za čas kiravańnia Alaksandra Łukašenki, ale Jeŭropa ličyć taki pakazčyk niezdarovym). U minułym miesiacy JECB źniziŭ pracentnuju staŭku na 25 punktaŭ da 3,75%.
Dalejšaje jaje źnižeńnie moža vyklikać rost inflacyi, asabliva ŭ śfiery pasłuh. Ale źnižeńnie staŭki nieabchodna dla stymulavańnia ekanamičnaj aktyŭnaści Hiermanii. Što vybieruć palityki, pakaža čas.
U Hiermanii adbyŭsia vybuch na bujnym chimzavodzie
Rabotniki zavoda Tesla ŭ Hiermanii skrali z kuchni 65000 kavavych kubkaŭ
Biełaruś ci Polšča: chto važniejšy handlovy partnior dla Kitaja?