Izrailskaja armija naniesła ŭdary pa vajennych abjektach «Chiezbały»
Infarmacyjnaje ahienctva AFP pieradaje, što Armija abarony Izraila (CACHAŁ) naniesła kala dziesiaci ŭdaraŭ pa celach «Chiezbały» ŭ Livanie. Jak minimum adzin čałaviek zahinuŭ.
30.07.2024 / 14:16
Fota: Mohammed Zaatari / AP
Pa ŭsim vidać, hety ŭdar — častka dziejańniaŭ u adkaz paśla abstrełu vioski na padkantrolnych Izrailu Hałanskich vyšyniach, piša Bild.
U kancy minułaha tydnia bajeviki «Chiezbały» abstralali nasieleny punkt Madždal-Šams, u vyniku jak minimum 12 čałaviek zahinuli, jašče dziasiatki atrymali ranieńni. Paśla hetaha premjer-ministr Izraila Bińjamin Nietańjachu zajaviŭ, što «adkaz budzie — i jon budzie žorstkim».
U toj ža čas Ministerstva zamiežnych spraŭ Izraila zaklikaje «nieadkładna» vyklučyć Turcyju z NATA paśla vykazvańniaŭ prezidenta krainy Redžepa Taipa Erdahana. Niadaŭna jon zajaviŭ, što Turcyja moža pačać uvarvańnie ŭ Izrail.
«Erdahan zrabiŭ Turcyju členam iranskaj vosi zła», — zajaviŭ ministr zamiežnych spraŭ Izraila Israel Kac.
Izrail papiaredziŭ pra mahčymaść poŭnamaštabnaj vajny z «Chiezbałoj»
Na Hałanskija vyšyni prylacieła rakieta, zahinuli jak minimum 10 dziaciej i padletkaŭ
Prezident Turcyi Erdahan pryhraziŭ Izrailu ŭvarvańniem
Kiraŭnik MZS Izraila rezka adkazaŭ na pahrozy Erdahana i apublikavaŭ ździeklivy kałaž
Ułady ZŠA i inšych krain zaklikajuć svaich hramadzian pakinuć Livan. Biejrut u čakańni ŭdaru