Izrail papiaredziŭ pra mahčymaść poŭnamaštabnaj vajny z «Chiezbałoj»
Ministr zamiežnych spraŭ Izraila Israel Kac paśla rakietnaha ŭdaru pa Hałanskich vyšyniach zajaviŭ, što livanskaja hrupoŭka «Chiezbała» pierajšła ŭsie čyrvonyja linii i papiaredziŭ pra blizkaść poŭnamaštabnaj vajny ź joj.
![](http://nashaniva.com/img/w840d4webp1/photos/z_2024_07/ap24209697269098-pvfvp.jpg.webp)
Armija Izraila zajaviła, što rakietny pusk pa Hałanskich vyšyniach byŭ zrobleny z terytoryi na poŭdni Livana, jaki kantraluje hrupoŭka «Chiezbała».
Načalnik Hienieralnaha štaba Armii abarony Izraila ŭžo pravioŭ acenku situacyi sumiesna ź ministram abarony i pradstaŭnikami kamandavańnia Paŭnočnaj akruhi.
Paviedamlajecca, što chutka i premjer-ministr Izraila praviadzie naradu pa acency situacyi, jakaja skłałasia, z usimi kiraŭnikami sistemy biaśpieki. Incydent zdaryŭsia, kali Bińjamin Nietańjachu znachodziŭsia ź vizitam u ZŠA, jon źbirajecca viarnucca na radzimu raniej zapłanavanaha terminu.
ZŠA vykazali «krajniuju zakłapočanaść» pahrozaj pačatku jašče adnoj vajny na Blizkim Uschodzie.
Tym časam kolkaść zahinułych u druzskim pasieliščy Madždal-Šams vyrasła da 11-ci. Jašče šeść paranienych znachodziacca ŭ ciažkim stanie. Usie paciarpiełyja va ŭzroście ad 10 da 20 hadoŭ.
Na Hałanskija vyšyni prylacieła rakieta, zahinuli jak minimum 10 dziaciej i padletkaŭ
Izrail papiaredziŭ Francyju ab mahčymym terakcie padčas Alimpijady
«Nie budziem zabyvać pra zamučanuju Ukrainu, Paleścinu, Izrail». Papa Francišak zaklikaŭ da alimpijskaha pieramirja
Chusity abstralali izrailski kurort Ejłat
Kamientary