Nad terytoryjaj Biełarusi znoŭ lotajuć šachiedy
Pra toje, što ŭ biełaruskaj pavietranaj prastory znoŭ adznačajecca prysutnaść iranskich bieśpiłotnikaŭ, jakija vykarystoŭvaje dla viadzieńnia vajny suprać Ukrainy rasijskaja armija, paviedamlaje manitorynhavaja hrupa «Biełaruski Hajun».
31.07.2024 / 01:18
Pavodle «Biełaruskaha Hajuna», niedzie apoŭnačy z aeradroma «Baranavičy» byŭ uźniaty ŭ pavietra źniščalnik VPS RB. Hety palot źviazvajecca ź nieabchodnaściu pierachopu rasijskaha bieśpiłotnika Shahed-136/131.
Taksama manitorynhavaja hrupa zhadvaje pry prylot ranicaj u aŭtorak na aeradrom «Łuniniec» dvuch viertalotaŭ Mi-8 VPS RB, a taksama pra toje, što z 15 pa 26 lipienia na aeradromie «Babrujsk» praktyčna štodnia dziažuryli viertaloty Mi-8 i Mi-24. Pryčynaj hetaha bačycca imknieńnie skaracić padlotny čas da miažy z Ukrainaj dla pierachopu šachiedaŭ, jakija zalatajuć u Biełaruś.
Ciapier ža ŭkrainskija manitorynhavyja hrupy zafiksavali, što adzin z dronaŭ ruchaŭsia pa terytoryi biełaruskaha Paleskaha radyjacyjna-ekałahičnaha zapaviednika ŭ kirunku Čarnobyla. Taksama jany ž paviedamlali pra zachod u Biełaruś prynamsi jašče adnaho bieśpiłotnika.
Pry hetym nie mienš za 6 rasijskich dronaŭ było taksama zaŭvažana na poŭnačy Čarnihaŭskaj vobłaści kala miažy ź Biełaruśsiu, i jany taksama patencyjna mahli pierasiačy miažu.
Čamu rasijskija drony stali čaściej zalatać u Biełaruś?
Rasijski šachied vybuchnuŭ za 55 km ad Babrujska
Unačy šachied znoŭ zalacieŭ u Biełaruś
U Biełaruś znoŭ zalacieŭ šachied. Hetym razam jon dabraŭsia da Viciebska
Učora na Biełaruś zalacieŭ rasijski šachied. Što heta było?