Sabrali viersii ekśpiertaŭ.
![](http://nashaniva.com/img/w840d4webp1/photos/z_2023_07/ached230725-qm009.jpg.webp)
Apošnim časam było zafiksavana jak minimum čatyry vypadki zalotu na terytoryju Biełarusi rasijskich bieśpiłotnikaŭ. 16 lipienia adzin ź ich uzarvaŭsia za 55 km ad Babrujska.
Raźviedka ci pravakacyja
Pryčyn moža być niekalki. Siarod ich ukrainski vajskovy ekśpiert Pavieł Narožny nazyvaje zbor danych albo pošuk ukrainskich SPA:
«Pieršaje — heta moža być zbor niejkich źviestak. Bo ŭ pryncypie hety «Šachied» dastatkova vialiki i moža nieści dastatkova vialikuju nahruzku na sabie — da 50 kh. Heta moža być radar (…). Dron moža sabrać niejkija danyja, prylacieć u Biełaruś, i ź jaho tam ich zdymajuć i da taho padobnaje.
Ci jany, naprykład, mohuć nazirać, ci spracuje naš radar, i pa hetym radary mohuć nanieści ŭdar. Tamu što ŭ rasijan jość supraćradyjołakacyjnaja rakieta Ch-31P».
Narožny taksama nie vyklučaje sprobaŭ Rasii takim čynam spravakavać Biełaruś da ŭdziełu ŭ vajnie. Na dumku ekśpierta, rasijski bieśpiłotnik moža nanieści škodu adnamu z abjektaŭ na terytoryi Biełarusi. Heta budzie pradstaŭlena jak «udar ukrainskaha bieśpiłotnika».
Rabota ŭkrainskaj REB
Siarod mahčymych pryčyn, pa mierkavańni Narožnaha, moža być praca ŭkrainskich srodkaŭ radyjoelektronnaj baraćby, jakija prosta hłušać dronu sihnał GPS abo pieradajuć niejkija fejkavyja sihnały. U vyniku jon lacić u niezrazumiełym napramku.
Efiektyŭnaść pracy ŭkrainskich REB jak pryčynu prylotaŭ u Biełaruś dronaŭ, vypuščanych pa Ukrainie, nazyvaje i kiraŭnik prahram biaśpieki ŭkrainskaha Centra hłabalistyki «Stratehija XXI» Pavieł Łakijčuk.
Techničnyja prablemy
Akramia hetaha, Łakijčuk ličyć, što pryčynaj moža być drenny techničny stan bieśpiłotnikaŭ, jakija ŭ apošni čas z-za značnych strataŭ vyrablajucca ź vialikim paśpiecham.
«Za niekalki ŭdaraŭ našy voiny źniščyli amal 200 «Šachiedaŭ» i inšych dronaŭ. Jość infarmacyja ad raźviedki Izraila, što hareŭ zavod pa vytvorčaści hetych dronaŭ u Iranie, i peŭny deficyt hetych vidaŭ bojeprypasaŭ u rasijan nazirajecca. Ad hetaha poŭnaja paśpiešnaść pry padrychtoŭcy hetych srodkaŭ paražeńnia, i jany mohuć lacieć nie tudy, kudy treba»,
— tłumačyŭ Łakijčuk.
Niaŭdałyja rasijskija ekśpierymienty
Vajskovy ekśpiert, kiraŭnik Centra vajskova-pravavych daśledavańniaŭ Alaksandr Musijenka havoryć pra toje, što adnoj z pryčyn mohuć być ekśpierymienty rasijan.
«Treba razumieć, što Rasija ekśpierymientuje z «Šachiedami». Mahčyma, pry ŭdziele iranskich vytvorcaŭ, jakija pastajanna chočuć mianiać niešta»,
— tłumačyć ekśpiert i adznačaje, što dla taho, kab źmienšyć uraźlivaść, ekśpierymientujuć z vyšynioj, korpusam, chutkaściu, navihacyjnaj sistemaj.
Na dumku Musijenki, zaloty bieśpiłotnikaŭ u Biełaruś nie vypadkovyja. Rasijski bok naŭmysna šukaje novyja maršruty dla taho, kab paźbiehnuć supraćdziejańnia mabilnych hrup.
Ekśpiert źviartaje ŭvahu, što niekatoryja «Šachiedy» paśla palotu nad Biełaruśsiu viartajucca na terytoryju Ukrainy.
«Heta śviedčyć pra namiery. Ich meta nie tolki ŭ tym, kab zastavacca niedzie ŭ niebie nad terytoryjaj Biełarusi. Meta — viartańnie va Ukrainu», — ličyć Musijenka.
Ale asobnyja drony, zalatajučy ŭ Biełaruś, pačynajuć błukać. Ekśpiert nie vyklučaje, što pryčynaj moža być zboj ich navihacyjnaj sistemy ŭ vyniku pracy biełaruskaj REB. Ale hałoŭnym jon nazyvaje niaŭdałuju pracu rasijskich apierataraŭ i instruktaraŭ, jakija nie mohuć razabracca z techničnymi pryčynami.
Palityčnyja hulni Pucina
Palityčny analityk «Pozirka» Alaksandr Kłaskoŭski nie vyklučaje, što pryčynaj moža być žadańnie Pucina pastavić Łukašenku na miesca.
«Moža, heta znak Maskvy, kab minski vasał viedaŭ svajo miesca? A to ŭ apošni čas užo nadta miralubnuju płaścinku zavodzić. Vuń namiakaje, što z ukraincami sieparatna damaŭlajecca, Zachadu niejkija sihnały pasyłaje. Dyk voś usiačy, chto nasamreč haspadaryć u tvaim niebie, i nie tolki tam.
Hetyja zaloty «Šachiedaŭ» niebiaśpiečnyja i tym, što ŭkraincy — pra heta ŭžo zajavili niekatoryja tamtejšyja śpikiery, — u adkaz mohuć pačać vykarystoŭvać nieba nad Biełaruśsiu dla pralotu svaich bieśpiłotnikaŭ, nakiravanych na rasijskija abjekty. Tady stanie zusim viesieła», — piša analityk na «Pozirku».
Kłaskoŭski padsumoŭvaje: pakul Łukašenka maluje pahrozu ad ukraincaŭ i palakaŭ, realny damokłaŭ mieč nad biełarusami padviešvaje «lubimy sajuźnik pravadyra».
Jak ukrainskaja sistema spufinhu «Pakrovy» źbivaje z pantałyku «Šachiedy»
Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju
Unačy šachied znoŭ zalacieŭ u Biełaruś
U Biełaruś znoŭ zalacieŭ šachied. Hetym razam jon dabraŭsia da Viciebska
Učora na Biełaruś zalacieŭ rasijski šachied. Što heta było?
Kamientary