Што Лукашэнка можа атрымаць у абмен на Рыка Крыгера? Версія Фрыдмана
Бонусы не ад Германіі, а ад Расіі.
31.07.2024 / 22:42
За Крыгера Лукашэнку могуць чакаць бонусы ад расійскага ўраду, мяркуе аналітык Фрыдман. Фота: Evgenia Novozhenina/Pool Photo via AP
У эфіры ютуб-праграмы «Обычное утро» аналітык Аляксандр Фрыдман пракаментаваў рашэнне Лукашэнкі памілаваць немца Рыка Крыгера, асуджанага за «тэрарызм».
На погляд аналітыка, асноўныя бонусы ад гэтага Лукашэнка атрымае не ад нямецкага, а ад расійскага боку, які, мяркуе Фрыдман, цалкам спланаваў аперацыю з грамадзянінам Германіі.
Фрыдман дапускае, што справу з Крыгерам Лукашэнка разглядаў як магчымасць атрымаць бонусы ад Захаду ў выглядзе палітычнага прызнання. Напрыклад, каб яму пазваніў хтосьці з заходніх лідараў.
«Заўсёды, калі замежнікаў у Беларусі вызваляюць, неабходна, каб было прызнанне, быў званок. З беларускага боку гэта выглядае як комплекс непаўнавартасці — калі яны падкрэсліваюць, што немцам не патрэбны Крыгер, што яны з намі не звязваюцца. У перакладзе на рускую мову гэта гучыць як «пазвані мне, пазвані». Але ніякіх званкоў няма, нічога не назіраецца».
«У той жа час з расійскага боку за паспяховае выкананне аперацыі (а ў тым, што ён яе паспяхова выконвае, няма ніякіх сумневаў) ён атрымае нафту, удзячнасць з боку Пуціна і, магчыма, палітычную падтрымку, якая не перашкодзіць напярэдадні выбараў 2025 года», — разважае Фрыдман.
Мінск гатовы да разгляду нямецкіх просьбаў адносна Крыгера — Эйсмант
Лукашэнка хацеў размовы з Шольцам?
Вось так Лукашэнка выглядаў на сустрэчы з Пуціным ФОТЫ
«Гэта жывая матэрыя». Беларусь патрабуе змяніць формулу цаны на расійскую нафту