Što Łukašenka moža atrymać u abmien na Ryka Kryhiera? Viersija Frydmana
Bonusy nie ad Hiermanii, a ad Rasii.
31.07.2024 / 22:42
Za Kryhiera Łukašenku mohuć čakać bonusy ad rasijskaha ŭradu, miarkuje analityk Frydman. Fota: Evgenia Novozhenina/Pool Photo via AP
U efiry jutub-prahramy «Obyčnoje utro» analityk Alaksandr Frydman prakamientavaŭ rašeńnie Łukašenki pamiłavać niemca Ryka Kryhiera, asudžanaha za «teraryzm».
Na pohlad analityka, asnoŭnyja bonusy ad hetaha Łukašenka atrymaje nie ad niamieckaha, a ad rasijskaha boku, jaki, miarkuje Frydman, całkam spłanavaŭ apieracyju z hramadzianinam Hiermanii.
Frydman dapuskaje, što spravu z Kryhieram Łukašenka razhladaŭ jak mahčymaść atrymać bonusy ad Zachadu ŭ vyhladzie palityčnaha pryznańnia. Naprykład, kab jamu pazvaniŭ chtości z zachodnich lidaraŭ.
«Zaŭsiody, kali zamiežnikaŭ u Biełarusi vyzvalajuć, nieabchodna, kab było pryznańnie, byŭ zvanok. Ź biełaruskaha boku heta vyhladaje jak kompleks niepaŭnavartaści — kali jany padkreślivajuć, što niemcam nie patrebny Kryhier, što jany z nami nie źviazvajucca. U pierakładzie na ruskuju movu heta hučyć jak «pazvani mnie, pazvani». Ale nijakich zvankoŭ niama, ničoha nie nazirajecca».
«U toj ža čas z rasijskaha boku za paśpiachovaje vykanańnie apieracyi (a ŭ tym, što jon jaje paśpiachova vykonvaje, niama nijakich sumnievaŭ) jon atrymaje naftu, udziačnaść z boku Pucina i, mahčyma, palityčnuju padtrymku, jakaja nie pieraškodzić napiaredadni vybaraŭ 2025 hoda», — razvažaje Frydman.
Minsk hatovy da razhladu niamieckich prośbaŭ adnosna Kryhiera — Ejsmant
Łukašenka chacieŭ razmovy z Šolcam?
Voś tak Łukašenka vyhladaŭ na sustrečy z Pucinym FOTY
«Heta žyvaja materyja». Biełaruś patrabuje źmianić formułu cany na rasijskuju naftu