A daviałosia pahavaryć z hadkaj prapahandystkaj, piša Siarhiej Hiezhała.
U Rasii, zdajecca, rychtujuć vialiki abmien źniavolenymi z Zachadam. Maskva choča zajmieć nazad svaju ahienturu naŭzamien za palitviaźniaŭ i aryštavanych zachodnikaŭ. Mienavita z hetym źviazvajuć vyvaz z kałonij u nieviadomym kirunku šerahu viadomych palitviaźniaŭ, siarod jakich Ilja Jašyn i Lilija Čanyšava, a taksama antyvajennych aktyvistaŭ i aryštavanych pravaabaroncaŭ, siarod jakich Aleh Arłoŭ, Saša Skačylenka i Daniła Krynary.
Mahčyma, pad abmien mohuć padpaści i žurnalist «Uoł-stryt džornał» Evan Hierškovič, a taksama asudžany za «dziaržzdradu» 16-hadovy Kievin Luk.
Nie vyklučana, što častkaj hetaha vialikaha abmienu stanie i niedareka niemiec Ryka Kryhier, jakoha, padobna, zavabili ŭ Biełaruś i raźviali biełaruskija śpiecsłužby.
Možna mierkavać, što Łukašenka dabivaŭsia zvanka ad kanclera Hiermanii Ołafa Šolca — jamu važna demanstravać, što ź im havorać, što jaho ličać nie maskoŭskaj absłuhaj, a kiraŭnikom dziaržavy. Ale Šolc tak i nie patelefanavaŭ. Miž tym rasijski abmien nabližajecca.
Tamu ź niemca sprabujuć vycisnuć pa maksimumie — choć prapahandysckaha efiektu. Adbyłosia šou z udziełam piersanažaŭ, ad jakich ničoha nie zaležyć: prapahandystki Hładkaj, jakaja absłuhoŭvaje palityčnyja represii, i navat advakata Uładzimira Horbača — ad jakoha ŭ siońniašniaj łukašenkaŭskaj sistemie zaležyć navat trochi mienš, čym ad sudovych zasiadacielaŭ i prybiralščyc.
Arhanizatary hetaha cyrku — mahu pamylacca, ale adčuvajecca tut ručka Natalli Piatkievič, — navat nie zadumalisia, jakaja heta prafanacyja, kali dolu (nasamreč, pradvyznačanuju) čałavieka — jaki b ni byŭ toj čałaviek! — «abmiarkoŭvajuć» razam kiraŭnik KDB, śledčy, advakat i «žurnalistka». Ruka nie paviartajecca pisać tut hetaje słova biez dvukośsiaŭ.
A narod u Biełarusi siońnia iranizuje, što Łukašenka chacieŭ razmovy z Šolcam, a zamiest hetaha daviałosia pahavaryć z hadkaj prapahandystkaj.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim5
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3131
Kamientary
da narodu pofih na vas, kryhierau i inšych i na vašych zekau...
nie tieštie svoje samolubije)) aaa chotia u vas narod eto čałaviek z 100...