Zialenski: Kitaj moža prymusić Rasiju spynić vajnu
«Ja b chacieŭ, kab jany cisnuli na Rasiju, jak ZŠA, jak ES», — kaža prezident Ukrainy.
01.08.2024 / 12:53
Sergey Savostyanov Sputnik Kremlin Pool Photo via AP
Prezident Ukrainy Uładzimir Zialenski miarkuje, što kali Kitaj zojmie mocnuju pazicyju, to jon zmoža prymusić Rasiju spynić jaje ahresiju suprać Ukrainy. Pra heta jon zajaviŭ u intervju francuzskim ŚMI, piša Ukrainskaja praŭda.
«Ja tak adkažu. Kali Kitaj zachoča, jon zmoža prymusić Rasiju spynić hetuju vajnu. Heta jak my havorym pra ŭvieś śviet. Kitaj — nieadjemnaja častka hetaha śvietu, adna z upłyvovych dziaržaŭ. Ja b chacieŭ, kab jany nie zajmali pasrednickuju misiju. Ja chacieŭ by, kab jany cisnuli na Rasiju z nahody zakančeńnia vajny. Hetak ža, jak cisnuć Złučanyja Štaty. Hetak ža, jak ciśnie ES».
Sa słoŭ Zialenskaha, čym macniejšaja dziaržava, tym macniej treba cisnuć na Rasiju, tady budzie chutki vynik. Na jaho dumku, pasrednickaja pazicyja — nie mocnaja.
«Tamu ja chacieŭ by, kab u Kitaja była mocnaja pazicyja pa hetaj vajnie, kab jany spynili ruskich. Ničoha nam lišniaha nie treba. Nie patrebna nijakaja dadatkovaja padtrymka. Usio pavinna hruntavacca na mižnarodnym pravie. Ja b vielmi chacieŭ, kab u Kitaja była voś takaja, vielmi pryncypovaja pazicyja», — padsumavaŭ Zialenski.
Zialenski: Los terytoryj Ukrainy pavinien vyrašać jaje narod
Zialenski nazvaŭ samy składany ŭčastak na froncie
Zialenski: Ukraina padrychtuje mirny płan da kanca listapada