У Афрыцы можа выбухнуць яшчэ адна вялікая вайна. І вагнераўцы круцяцца побач
Расійскія наёмнікі атабарыліся настала ў Цэнтральна-Афрыканскай Рэспубліцы, а цяпер і Бурундзі ўзяло курс на Расію. У той жа час Дэмакратычная Рэспубліка Конга застаецца саюзнікам ЗША і Еўрасаюза. Ваяўнічая ж Руанда мае свае прыватныя інтарэсы.
01.08.2024 / 22:30
Новая вайна можа распачацца паміж Дэмакратычнай Рэспублікай Конга і Руандай. Скрыншот з Google Maps
Як піша Bloomberg, у той час як сусветныя лідары спрабуюць прадухіліць поўнамаштабуную вайну паміж Ізраілем і «Хезбалой», ёсць яшчэ адзін ачаг канфлікту, які можа выбухнуць вайною. У канфлікт уцягнутыя Дэмакратычная Рэспубліка Конга (ДРК) і Руанда. Вайна паміж імі бушавала ў 1998—2003 годах (у ёй ваявала і Уганда).
Уганда і Руанда падтрымліваюць магутную групоўку паўстанцаў М23 на ўсходзе ДРК. Прычына — імкненне кантраляваць багатыя сыравінныя рэсурсы там. На краіну прыпадае 70% сусветных паставак кобальту. Яе нетры багатыя волавам, вальфрамам, літыем і золатам. ДРК — краіна, заселеная рознымі плямёнамі і народамі. І сітуацыя на ўсходзе краіны, якая існуе цяпер, склалася ў перыяд грамадзянскай вайны 1990-х, пасля падзення дыктатуры Мабуту.
Па звестках Міжнароднага энергетычнага агенцтва, у перыяд з 2022 па 2050 гады попыт на нікель падвоіцца, кобальт — патроіцца, а на літый — вырасце ў 10 разоў. Кітай, ЗША і іншыя сусветныя дзяржавы імкнуцца замацавацца ў рэгіёне.
Па ацэнках экспертаў, у рэгіёне дзейнічае каля 120 узброеных груповак, сярод якіх і фарміраванні ПВК «Вагнер», якія нанятыя рознымі бакамі.
Конга нарошчвае запасы зброі. Выдаткі краіны на бранятэхніку, беспілотнікі і іншыя ўзбраенні за 2023 год паказалі самы высокі рост у свеце.
Спробы ўлагодзіць канфлікт паміж ДРК і Руандай робяць ЗША, Кітай, Швейцарыя і Арабскія Эміраты, якія маюць свае эканамічныя інтарэсы. У вырашэнні канфлікту мірным шляхам прымаюць лідары такіх краін, як Ангола, ЮАР, Нігерыя і Кенія. Але пасля «эпідэміі» пераваротаў парушаны аўтарытэт Афрыканскага саюза — кантынентальнага лідара, што ўскладняе шлях да міру.
Пакуль спробы заключыць мірнае пагадненне праваліліся. Паміж канфліктуючыми бакамі дзейнічае гуманітарнае перамір'е. Пры гэтым узброеныя сутыкненні працягваюцца.
У выпадку вайны ў яе могуць быць уцягнутыя не толькі ДРК і Руанда, але і Уганда з Бурундзі, а таксама суседнія Ангола, Рэспубліка Конга, Танзанія, Кенія, Замбія.
У Дэмакратычнай Рэспубліцы Конга заявілі пра спробу дзяржаўнага перавароту
ПВК «Вагнер» вярбуе жыхароў Беларусі для адпраўкі ў Афрыку
Спрабуюць зрабіць дзяржаўны пераварот у яшчэ адной афрыканскай краіне — медыя